ബ്ലോഗിന്റെ കാലത്ത് ഇതിൽപ്പറഞ്ഞ ചില കാര്യങ്ങളൊക്കെ പരാമർശവിധേയമായിട്ടുണ്ട്. കുറച്ചുകൂടി ബേസിക് ആയിത്തുടങ്ങി ഒരേ താളത്തിന്റെ തന്നെ പല അക്ഷരകാലങ്ങൾ സോദാഹരണം പ്രതിപാദിച്ച് കൂടുതൽ ഗഹനമായ വിഷയങ്ങളിലേക്ക് പോവുന്നതായിരിക്കും നല്ലത് എന്നു തോന്നുന്നു. മുദാപീഡിയ ഒക്കെപ്പോലെ സമഗ്രമായില്ലെങ്കിലും കളി കാണുന്പോൾ ഒരു പരിചയം നൽകാൻ സഹായിച്ചാൽ നന്നായി. 

ശരിക്ക് ചർച്ച ചെയ്യണമെങ്കിൽ കുറച്ച് സമയം മെനക്കെടുത്തേണ്ട പരിപാടിയാണ്. ആരെങ്കിലും തുടക്കമിടും എന്നുതന്നെ പ്രതീക്ഷിക്കുന്നു.

ചർച്ചയ്ക്ക്‌ 'കൊട്ടിവെയ്ക്കാൻ' ആരെങ്കിലും മുൻ കയ്യെടുക്കൂ.

കോട്ടയം കഥകൾ, സുഭദ്രാഹരണം, കത്തിവേഷപ്രധാനമായ കഥകൾ എന്ന ക്രമത്തിലാണെങ്കിൽ നന്നാവും.

ശരിയാണ്. ഒരു ചർച്ചയിൽ എല്ലാം ഒതുങ്ങും എന്ന് ഞാനും കരുതിയില്ല. ഒരു തുടക്കം എന്ന നിലയ്ക്ക് ചർച്ചയാണ് നല്ലത് എന്നു മാത്രമേ കരുതിയുള്ളൂ. "രാഗപരിചയം" പോലെ വീഡിയോ ക്ലിപ്പുകൾ വെച്ചുള്ള "താളപരിചയം" ആണ് ഉദ്ദേശിച്ചത്. പദഘടനയനുസരിച്ച് പിടിക്കുന്ന രീതികളിൽ വ്യത്യാസമുണ്ടെങ്കിലും അടിസ്ഥാന താളങ്ങൾ എല്ലാറ്റിലും ഒന്നല്ലേ? (അങ്ങനെയായിരുന്നു ഞാൻ ഇതുവരെ കരുതിയിരുന്നത്)

പറഞ്ഞ പോലെ ഒരു പൂർണ്ണമായ വെബ്സൈറ്റാണ് വേണ്ടത്. അതിന് കഴിവുള്ളവർ (വികാർ, സുനിൽ തുടങ്ങിയവർ) ഇവിടെയുണ്ടല്ലോ. എന്തിനും ഒരു തുടക്കം വേണമല്ലോ. അതിവിടെയായിക്കോട്ടേ എന്നു വെച്ചു എന്നു മാത്രം.

രാഗം പാടി കലാശിച്ചാൽ രംഗാരംഭത്തിനുള്ള ശ്ലോകം ചൊല്ലുന്നു. തുടർന്ന് കഥാപാത്രങ്ങൾ പ്രവേശിക്കുന്നു. അതിനുള്ള ഏറ്റവും പ്രചാരമുള്ള സങ്കേതമാണു കിടതകധിം താം. എടുത്തുകലാശം മറ്റൊരു സങ്കേതം. കഥാപാത്രങ്ങൾ ത...See More

മനോജ്‌ സൂചിപ്പിച്ച പോലെ ഒരു വെബ് സൈറ്റിലും മറ്റും ക്രമീകരിച്ചു ഉള്‍കൊള്ളിക്കുവാന്‍ ഇത്തരം ഒരു ചര്‍ച്ചക്ക് കഴിയും. ഇന്പുട്ടുകള്‍ ഇവിടെ നിന്നും എടുത്താല്‍മതിയാവുമല്ലോ. ആസ്വാദനം സൈറ്റിന്, ഇവിടത്തെ കണ്ടെന്റ് എടുക്കാവുന്നതുമാണ് (അവിടെ ഇത്തരത്തില്‍ ഒരു കണ്ടന്റ് ക്രിയേറ്റ് ചെയ്യാമെങ്കില്‍).

മനോജ്‌ (അദ്ദേഹത്തിന്റെ സമയം അനുവദിക്കുന്നത് പോലെ), കൂടുതല്‍ വിശദമായി ഇവിടെ കുറിക്കും എന്ന് പ്രതീക്ഷിക്കുന്നു. പീശപ്പള്ളി രാജീവേട്ടനെയും (Peesappilly Rajeevan ) സഹായത്തിനായി ഇവിടെ പ്രതീക്ഷിക്കുന്നു. 

മേല്‍സൂചിപ്പിച്ച ഓരോ സങ്കേതങ്ങളുടെയും വായ്ത്താരി, അതിന്റെ മേളം വരുന്ന രീതി, അതിന്റെ ഉപയോഗരീതി എന്നിവ ഓഡിയോ/വീഡിയോ ആയി പ്രത്യേകം പോസ്റ്റ്‌ ചെയ്യാന്‍ ഞാനും ഉത്സാഹിക്കാം . എന്തെങ്കിലും ഒരു ടാഗ് ക്രിയേറ്റ് ചെയ്‌താല്‍, ഇത്തരം ചര്‍ച്ചകളെ ക്രോഡീകരിക്കാനും സാധിക്കും എന്ന് കരുതുന്നു (ഹാഷ് ടാഗുകള്‍ ഇവിടെ വര്‍ക്ക് ചെയ്യും എന്ന് സങ്കല്പം)

കിടതകധിം താമും പദത്തിന്റെ താളവുമായല്ല, പദത്തിന്റെ കാലവുമായാണു ബന്ധം. സാധാരണയായി അവസാനത്തെ കിടതകധിം താം തുടർന്നുവരുന്ന പദത്തിന്റെ കാലത്തിനിണങ്ങുന്നതാവാൻ കലാകാരന്മാർ ശ്രദ്ധിക്കാറുണ്ട്‌. നായികയുമൊത്തുള്ള പതിഞ്ഞ പദമാണെങ്കിൽ പ്രവേശനത്തിനു പതിഞ്ഞ കിടതകധിം താം ആണു പതിവുള്ളത്‌. ചില രഗങ്ങളിൽ ആദ്യം പതിഞ്ഞ കിടധിം താം, തുടർന്ന് അതിലും മുറുകിയത്‌ എന്നിങ്ങനെ ക്രമമായി കാലം കയറി അഞ്ചു കിടതകധിം താം വരെ പതിവുണ്ട്‌. സന്താനഗോപാലത്തിലെ അടുത്ത രംഗത്തിൽ ബ്രാഹ്മണന്റെ പ്രവേശനത്തിന്‌ ഇങ്ങനെ അഞ്ചെണ്ണമുണ്ട്‌. 5 കിടധിം താം എങ്കിൽ അവസാനത്തേതിനു പദത്തിന്റെ കാലവുമായുള്ള ഏകീകരണം പ്രധാനമല്ല. ബ്രാഹ്മണന്റെ 5 കിടതകധിം താം പ്രവേശനത്തെത്തുടർന്ന് ചമ്പ താളത്തിന്റെ രണ്ടാം കാലത്തിലാണു പദം തുടങ്ങുന്നത്‌ എന്നോർക്കാം.

കൂടാതെ, ഓരോ രംഗവും അവസാനിക്കുമ്പോഴും അടുത്ത രംഗത്തിന്റെ സ്വഭാവത്തിനിണങ്ങുംവിധം മേളത്തിൽ മാത്രമായി കിടതകധിം താം കൊട്ടുന്നു.

(മറ്റാരും പറയാത്തതുകൊണ്ടു പറയുന്നു എന്നേയുള്ളൂ. മറ്റുള്ളവർ കൂടി ഇടപെടാനപേക്ഷ. smile emoticon )

ഇന്നലെ കോട്ടക്കൽ പഞ്ചവാദ്യം കഴിഞ്ഞ് മടങ്ങുമ്പോൾ സുഹൃത്തുക്കളുമായി താളങ്ങളെക്കുറിച്ച് ചർച്ച ചെയ്ത താണ്. കഥകളിയിലെ താളങ്ങളും അതിൽ വന്നു.' കഥകളിയിലെ താളങ്ങളെക്കുറിച്ചറിയാൻ ഈ പോസ്റ്റ് ഉപകാരപ്പെടുമെന്ന് പ്രതീക്ഷിക്കാം

http://kathakalimelam.blogspot.in/2009/05/blog-post_20.html

ബാബുവേട്ടൻ പങ്കെടുത്ത ഒരു തോടയം ഇതാ. ശരിയാണ്. താളങ്ങളും അവയുടെ കലാശങ്ങളും ഇതിൽ കൃത്യമായി വരുന്നുണ്ട്. https://www.youtube.com/watch?v=KzAxS2NTwZ8

ചെമ്പട, ചമ്പ, അടന്ത, പഞ്ചാരി എന്നീ താളങ്ങളെപ്പറ്റിയുള്ളൊരു (പഠന കാലത്തെപ്പറ്റിയാവാം) ഇങ്ങനെയൊരു ശ്ലോകം കേട്ടിട്ടുണ്ട്‌. ആരാണു എഴുതിയതെന്നറിഞ്ഞൂട. താളത്തെപ്പറ്റിയുള്ള ചർച്ചയായതുകൊണ്ട്‌ ഇവിടെ എഴുതി അത്രേള്ളൂ.

ഔചിത്യക്കുറവൊന്നുമില്ല. fb ചർച്ചകളുടെ ഒരു പൊതു സ്വഭാവമാണല്ലോ ഇത്. ചർച്ച തുടരട്ടെ. 

താളങ്ങൾ , കലാശങ്ങൾ, ഓരോന്നിനെക്കുറിച്ചും വെവ്വേറെ ത്രഡുകൾ തുടങ്ങിയാൽ ഭാവിയിൽ ഫയൽ ചെയ്തു വയ്ക്കാൻ സൗകര്യമാവുമെന്ന് തോന്നുന്നു. 
ഈ ത്രഡ് അതിനുള്ള ഒരു വഴികാട്ടിയാവട്ടെ.

ഇനി ഈ ത്രെഡിൽ വരേണ്ട കാര്യങ്ങൾ എല്ലാവരും ഒന്ന് സജസ്റ്റ് ചെയ്‌താൽ നന്നായിരിക്കും.

കിടധിക ധീം താമിനെക്കുറിച്ച് സാമാന്യം നല്ല ചർച്ച നടന്നു എന്ന് തോന്നുന്നു.

ഇനി സംശയം പദങ്ങളുടെ വരികൾക്കിടയിൽ വരുന്ന കലാശങ്ങളെക്കുറിച്ചാണ്. അതായത് പദങ്ങളിൽ ചില വരികൾ / ആശയം അവസാനിച്ചു കഴിഞ്ഞാൽ ആ വരിയുടെ കുറച്ചു ഭാഗം വീണ്ടും പാടിയോ അല്ലാതെയൊ എടുക്കുന്ന ഒരു കലാശമില്ലേ? ഒരു താളവട്ടത്തിൽ മാത്രം ഒതുങ്ങുന്നതാണ് അത് എന്ന് തോന്നുന്നു. 

ഇത്തരം കലാശങ്ങൾ വേറെ ഏതെങ്കിലും കലാ രൂപത്തിൽ ഉണ്ടോ? കഥകളിയിൽത്തന്നെ എല്ലാ പദങ്ങൾക്കും ഉണ്ടോ? സാധാരണ പദത്തിന് താളം പിടിക്കുന്നതിൽ നിന്ന് ഇത്തരം കലാശങ്ങൾക്ക് താളം പിടിക്കുന്നതിന്റെ വ്യത്യാസം (വായ്ത്താരി മുതലായവ) ഇതൊക്കെ അറിയാൻ താല്പര്യമുണ്ട്.