ചൂണ്ടുവിരലും തള്ളവിരലും മദ്ധ്യത്തിലെ ദ്വാരം വൃത്താകൃതിയിൽ വരത്തക്കവണ്ണം ചേർത്തു പിടിയ്ക്കുകയും, ബാക്കി മൂന്നുവിരലുകൾ നിവർത്തിപ്പിടിയ്ക്കുകയും ചെയ്താൽ മുദ്രാഖ്യമുദ്ര ആയി.

ചൂണ്ടുവിരലിന്റെ ഒരരികിൽ തള്ളവിരൽ തൊടുകയും മറ്റ് വിരലുകളെല്ലാം മടക്കുകയും ചെയ്താൽ മുഷ്ടി ആയി.

ചൂണ്ടുവിരലിനെ പുരികം പോലെ വളക്കുകയും നടുവിരൽ മടക്കി അതിന്മേൽ പെരുവിരൽ വെക്കുകയും മറ്റുള്ള വിരലുകൾ പൊങ്ങിച്ചുമടക്കുകയും ചെയ്താൽ ശുകതുണ്ഡം ആയി.

വിരലുകളെല്ലാം ഉള്ളപ്രകാരം തന്നെ നിവർത്തിവെക്കുക. തള്ളവിരൽ മറ്റുവിരലുകളോടു ചേർക്കാതെ അകറ്റിപ്പിടിക്കുക. ഹംസപക്ഷം എന്ന മുദ്ര ആയി.

ചൂണ്ടുവിരലും നടുവിരലും തള്ളവിരലും അറ്റത്ത് തൊടുവിപ്പിച്ച് മറ്റുള്ള വിരലുകൾ പൊക്കിവെക്കുകയും ചെയ്താൽ അത് ഹംസാസ്യം ആയി.

തള്ളവിരലും ചൂണ്ടുവിരലും ഒഴികെ ബക്കിയുള്ള വിരലുകൾ മടക്കിവെച്ചാൽ അർദ്ധചന്ദ്രം ആയി.

അഞ്ചുവിരലുകളുടേയും അറ്റങ്ങൾ നല്ലവണ്ണം ചേർത്ത് പിടിച്ചാൽ അത് മുകുളം ആയി

ചൂണ്ടുവിരൽ മാത്രം നിവർത്തിപിടിച്ച് ബാക്കിവിരലുകൾ മടക്കി തള്ള വിരൽ മറ്റുള്ള വിരലുകളോട് ചേർത്ത്പിടിക്കുകയും ചെയ്താൽ സൂചികാമുഖം ആയി

തള്ളവിരൽ കുറച്ചൊന്ന് മടക്കി ചൂണ്ടുവിരലിന്റെ ചുവട്ടിൽ ചേർത്ത് പിടിച്ച് മറ്റ് വിരലുകൾ നിവർത്തിപിടിച്ചാൽ അത് ത്രിപതാക ആയി

തള്ളവിരലടക്കം എല്ലാ വിരലുകളും ചേർത്ത്പിടിച്ച് കപ്പത്തിയുടെ മധ്യംഭാഗം കുറച്ചൊന്ന് മടക്കി പിടിച്ചാൽ അത് സർപ്പശിരസ്സ് എന്ന് മുദ്ര ആയി.

ചൂണ്ടുവിരലിന്റെ മദ്ധ്യരേഖയിൽ തള്ളവിരൽ തൊടുവിച്ച് മറ്റുള്ള വിരലുകൾ ഭംഗിയായി മടക്കിയാൽ അരാളം എന്ന മുദ്ര ആയി