മാട്ടോലുംമൊഴിമാരേ
Malayalam
മാട്ടോലുംമൊഴിമാരേ! ഞാനിഹ
കൂട്ടിക്കൊണ്ടീദൃശനാമൊരുവനെ
ഒട്ടുമേ വൈകീടാതെ വരുവോളം
തുഷ്ടി കലര്‍ന്നിഹ നിവസത യൂയം
രുഗ്മാംഗദന്‍
Malayalam
കോപം മാ കുരുതാമരിമാരേ
Malayalam
കോപം മാ കുരുതാമരിമാരേ!
ശോഭാത്ഭുതമാരേ!
ആപത്ഗതനഹമെന്നില്‍ തരസാ
താപമൊഴിച്ചൊരു കൃപയരുളേണം
ബന്ധുരകാന്തി കലര്‍ന്ന വിമാനം
ചന്തമിയന്നു ഗമിപ്പാന്‍ ഗഗനേ
എന്തിഹ ഹന്ത മയാ കരണീയം?
ചിന്തിച്ചരുളണമന്തരമന്യേ
സര്‍വസുനഗണചോരണം
Malayalam
സര്‍വസുനഗണചോരണം ചെയ്‌വതാരെന്നറിഞ്ഞീടണമിപ്പോള്‍
സാവധാനമിഹ സൂക്ഷിച്ചൊളിച്ചിരുന്നാല്‍
കാര്‍വേണീമൌലേ! കണ്ടീടാം ചോരന്മാരെ
മാധുരി വിലസും ചാരു സാധുരീതി
Malayalam
സ്വൈരം വസന്‍ നിജപുരേ നൃപുംഗവോസാ-
വാരാമമേത്യ സരസാം ദയിതാം കദാചില്‍
ലീലാകുതൂഹലവശാദമലാംബുജാക്ഷീ-
മേവം ജഗാദ രമണീം രമണീയശീലാം
മാധുരി വിലസും ചാരു സാധുരീതി ചേരും
ചതുര്യശാലിനീ! ശൃണു ജീവനായികേ!
ചേതോഭവ ലീലോത്സവം ചെയ്തീടുവാന്‍ മോദാല്‍
സാദരം വരികരികില്‍ കാതരേക്ഷണേ!
കുംഭീവീരകുംഭകാന്തി കുമ്പിട്ടുകൈകൂപ്പും നിന്‍റെ
പന്തൊക്കും കൊങ്കയെന്മാറില്‍ പൈന്തേന്‍വാണി, ചേര്‍ക്ക