നന്ദനനെ വധിയാതെ ഇന്നീവ്രതമനുഷ്ഠിക്കില്‍

വന്നുകൂടും സത്യഭംഗം മന്നവ, ബോധിച്ചുകൊള്‍ക

അച്ഛനുമമ്മയ്ക്കും കണ്ണില്‍ അശ്രുതെല്ലും വീണിടാതെ

ഇച്ചരിതം ചെയ്യാമെങ്കില്‍ സ്വച്ഛന്ദം നോറ്റുകൊണ്ടാലും

അമ്മതന്‍ മടിയില്‍ വെച്ചു നിന്മകന്‍ ധര്‍മ്മാംഗദനെ

ചെമ്മേ വാളാല്‍ വെട്ടാമെങ്കില്‍ ഇമ്മഹാവ്രതം നോറ്റാലും

സത്യഭംഗം ചെയ്തേവം യുക്തമോ നൃപതേ!

സത്യസന്ധന്‍ ഭവാനെന്നു കീര്‍ത്തി വിലസുന്നു പാരില്‍
 

മൽപ്രിയ നീയെന്നോടെന്നും അപ്രിയം ചെയ്കയില്ലെന്നും

സപ്രമോദം അന്നുചെയ്ത സത്യം ക്ഷിപ്രമേവം മറന്നിതോ?

പട്ടിണികൊണ്ടുടനാര്‍ക്കും ഹേ നാഥാ

പുഷ്ടി ബലാല്‍ നശിച്ചീടും
 

മട്ടലര്‍ബാണ സുവിഹാരം പരി-

തുഷ്ടികരം സുഖസാരം      
 

കേള്‍ക്കുക ഭവാന്‍ തീര്‍ത്തു ചൊല്ലാമഹം

നോല്‍ക്കുകയുമില്ല അത്രയുമല്ല
 

നോല്‍ക്കരുതിന്നു ഭവാനും 

വിഹരിക്കേണം അധികവുമധുനാ

സാകേതാധീശനോടങ്ങിനെ സപദി മുദാ ചേര്‍ന്നു കേളീവിലാസല്‍

ലോകേശാ ദേശചിന്താമപി ച ബത മറന്നെത്രനാള്‍ മോഹിനീ സാ

സാംകാംക്ഷം തത്രമേവും മഹിതഗുണമെഴും വൃശ്ചികേമാസി വന്നോ-

രേകാദശ്യാം പ്രഭാതേ പ്രിയതമമവനീനാഥ മേവം ബഭാഷേ
 

ചേരുന്നേന്‍ ഭവനോടു കൂടി ഞാന്‍ മോദാല്‍

പോരുന്നേന്‍ ഭവദീയ മന്ദിരേ

സോമവദന കൊമളാകൃതേ! ഭവാന്‍

സാദരം കേള്‍ക്ക ദേവനാരി ഞാന്‍
 

കാമാധികസുന്ദര! നിന്നെക്കണ്ടതിനാലെ

പ്രേമമെനിക്കുള്ളില്‍ വളരുന്നു
 

മല്‍പ്രിയമൊഴിഞ്ഞൊരുനാളുമെന്നോ-

ടപ്രിയം ചെയ്കയില്ലെന്നും
 

അല്പമാത്രമിന്നൊരു സത്യം ചെയ്തീടാമെങ്കില്‍

ത്വല്‍പ്രിയതമയായി വസിച്ചീടാം

ഇത്ഥം വൈവസ്വതം തം നിജ പുരിയിലയച്ചഞ്ജസാ പത്മജന്മാ

പ്രീത്യാ നിര്‍മ്മിച്ചു നല്ലോരമലശശിമുഖീം മോഹിനീം ഭാമിനീം സാ

ഗത്വാ സാകേതപുര്യന്തിക വിപിനതലേ ബ്രഹ്മവാചാ വസിച്ചു

പ്രാപ്തോ നായാട്ടിനായിട്ടവനിപതിവരസ്തത്ര രുഗ്മാംഗദാഖ്യന്‍