ശത്രുജയത്തിനായൈന്ദ്രം ചിത്രമാകും ചാപം തൂണീ-

മത്യുദാരമായ ഖൾഗം ഒക്കെയും ഞാൻ നൽകീടുന്നേൻ

രാത്രിഞ്ചരന്മാരെയും ചീർത്തവേഷമോടു വന്നു

ഉത്തമരാം ജനങ്ങൾക്കു ചിത്തപീഡചെയ്തീടുന്നു

രാഘവ, വിജയശീല രാജഗജകേസരിയെ

രാജൻ ഭുവി ചിരകാലം രാമ രമണീയവേഷ,

ഇന്നു നിങ്ങളെക്കാൺകയാലെന്നുടെ ജനനഫലം

വന്നു ഭാഗ്യശാലിയായി എന്നതു ഞാൻ കരുതുന്നേൻ

കഞ്ജദളതുല്യമായ മഞ്ജുളലോചന രാമ,

കൊണ്ടല്വർണ്ണ മുനികളെ ഇണ്ടൽതീർത്തു പാലിക്കണം