6. ശുകതുണ്ഡം

 

ലക്ഷണം (പ്രയോഗം) - മൂലം:-

 

ഭൂലതേവയദാ വക്രാ തര്ജ്ജന്യംഗുഷ്ഠ സംയുതാ ||              32

നമിതാനാമികാ ശേഷൈ  കുഞ്ചിതോദഞ്ചിതെതദാ |

 

ഭാഷ:- ചൂണ്ടുവിരല്‍ പുരികംപോലെ വളക്കുകയും പവിത്രവിരൽ (മോതിരവിരല്‍) മടക്കി അതിന്മേൽ പെരുവിരൽ വെക്കുകയും മറ്റു വിരലുകൾ പൊങ്ങിച്ചു മടക്കുകയും ചെയ്താൽ അതിന്നു ശുകതുണ്ഡമുദ്ര എന്നു പറയുന്നു.

 

വിനിയോഗം (ഉപയോഗം) - മൂലം:-

 

ശുകതുണ്ഡകമിത്യാഹുരാചാര്യാ ഭരതർഷഭഃ ||                      33

ഹസ്തോയമങ്കുശെ ചൈവ പക്ഷിണ്യേവപ്രയുജ്യതെ |

 

ഭാഷ:- ആനതോട്ടി, പക്ഷി - ഈ രണ്ട് പദാർത്ഥങ്ങൾ മാത്രമേ ഈമുദ്രയിൽ കാട്ടേണ്ടതുള്ളു. അതുകൾ രണ്ടുകൈകൊണ്ടും കാട്ടേണ്ടതാണ്.