ദാർശനികമായി പ്രവൃത്തി ചെയ്യുകയെന്ന ആശയത്തെ പ്രകാശിപ്പിക്കുന്നതാണ് ഈ മുദ്ര. കൈകൾകൊണ്ടാണ് പ്രവൃത്തി ചെയ്യുന്നത്. കൈകൾകൊണ്ട് വസ്തുക്കളെ പിടിച്ചുകൊണ്ടാണ് പ്രവൃത്തിയുടെ രീതി. പല വഴിക്കു സഞ്ചരിക്കാനിടയുള്ള മനസ്സിനെ ഏകാഗ്രമാക്കി നിർത്തിയാലേ കർമ്മം സാധ്യമാകൂ. ഇതെല്ലാം ഈ മുദ്രയിൽ സൂചിതമായിട്ടുണ്ട്. കൈകൾ ഒരുമിച്ചുള്ള ചുഴിപ്പ് കർമ്മത്തിൽ കൈകൾക്കുള്ള പ്രാധാന്യം സൂചിപ്പിക്കുന്നു. ഹൃദയസാഥാനത്തെ മുകുളമുദ്ര മനസ്സിൻറെ ഏകാദ്രതയെ സൂചിപ്പിക്കുന്നു. ഇങ്ങനെ കർമ്മം ചെയ്യുമ്പോഴുള്ള കൈകളുടെയും മനസ്സിൻറെയും അവസ്ഥകളെ നാട്യധർമ്മിയായി സൂചിപ്പിച്ചുകൊണ്ട് ഈ മുദ്ര പ്രവൃത്തി ചെയ്യുക എന്ന ആശയത്തെ അനുസ്മരിപ്പിക്കുന്നു.