ഇടംകയ്യിൽ പിടിച്ച ചഷകത്തിലെ ദ്രാവകത്തിൻറെ സ്വഭാവമാണ് വലംകൈകൊണ്ട് സൂചിപ്പിക്കുന്നത്. വർധമാനകമുദ്ര, തേൻ എന്നും മദ്യം എന്നുമൊക്കെ കാണിക്കുന്ന സന്ദർഭത്തിൽ ദ്രാവകത്തെ സൂചിപ്പിക്കാൻ ഉപയോഗിക്കുന്നതാണ്. വലംകയ്യിൻറെ ചലനംകൊണ്ട് ദ്രാവകത്തിൻറെ സ്വഭാവത്തെ അവതരിപ്പിക്കുന്നു. ഇവിടെ മാരകദ്രാവകമായ വിഷത്തെ സൂചിപ്പിക്കാൻ അതിനുതകുന്ന ചലനമാണ് വലംകൈക്കു നല്കിയിട്ടുള്ളത്.