പുഷ്പത്തെ സൂചിപ്പിക്കുന്ന കടകമുദ്ര, ഗന്ധഗ്രാഹിയായ ഇന്ദ്രിയമായ മൂക്കിനു മുന്നിൽ പിടിച്ച് ഗന്ധത്തിൻറെ സ്മരണയുണർത്തുന്നു ഈ മുദ്രയിൽ. എന്നാൽ മുഖഭാവത്തിൻറെ വ്യത്യാസംകൊണ്ട് ദുർഗ്ഗന്ധമെന്നോ സുഗന്ധമെന്നോ സൂചിപ്പിക്കുന്നു. മുഖാഭിനയത്തിന് മുദ്രാപ്രയോഗത്തിലുള്ള പ്രസക്തി വിളിച്ചറിയിക്കുന്ന സന്ദർഭമാണിത്. ഹസ്തമുദ്രയോടൊപ്പം വരുന്ന മുഖഭാവത്തിൻറെ പ്രത്യേകതകൾകൊണ്ട് അർഥഭേദംതന്നെ ഉണ്ടാകുന്ന സന്ദർഭങ്ങൾ അനവധിയുണ്ട്.