സാരം: മൂന്നു ലോകങ്ങളുടെയും പ്രാണനായ വായുവിന്റെ വാക്കിനെ അനുസരിച്ചാലും, നീ ജയിച്ചാലും, നീ വളരെക്കാലം ജീവിച്ചാലും എന്നു പറഞ്ഞുകൊണ്ട്‌ ഈ സമയത്ത്‌ ആകാശത്തിൽ പുഷ്പവൃഷ്ടി ചെയ്ത്‌ വിദ്യാധരന്മാർ മുഴക്കിയ മംഗല്യവാദ്യങ്ങൾ ഭൂമിയിൽ മാറ്റൊലികൊണ്ടു. ഇപ്രകാരമുള്ള അളവറ്റ ആശ്ചര്യത്തെ കണ്ട്‌ ഭൈമിയെ ആലിംഗനം ചെയ്തിട്ട്‌ പുത്രനെയും പുത്രിയെയും ചേർത്തുപിടിച്ച്‌ നളൻ എല്ലാവരോടുംകൂടി സന്തുഷടനായ ഭീമന്റെ സമീപത്തു ചെന്നു.