നിന്നുടെ തലയറുക്കാൻ യാമ്യമാമസ്ത്രം ധന്യ
മിന്നങ്ങയച്ചീടുന്നു ഞാൻ ലക്ഷ്മണ! കേൾ നീ.

നിന്നുടെ തലയറുപ്പാനൈഷീകമസ്ത്രം
ഇന്നു ഞാൻ തൊടുത്തയച്ചീടുന്നു സൗമിത്ര കേൾക്ക.

കേളെടാ നിൻതല കൊയ്യാനാഗ്നേയാസ്ത്രം
കാലചകമിവ ഞാനങ്ങയയ്ക്കുന്നു കാണുക.

നേരിട്ടുവരുവേനെടാ ലക്ഷ്മണ കേൾ നീ
ഘോരമാമെൻശരം നിന്നെക്കൊന്നു ഭൂമിയിലിടും.
ഭൂമിയിലിടും നിൻതലയെന്റെ സായകം കേവലം
നാഴിക ഒന്നിടതന്നെ നിർണ്ണയം

ശ്ലോകം:
പൊരുത നിശിചരന്മാർ ചത്തശേഷം സരോഷം
വിരവിനൊടതികായൻ ഘോരകായോ മഹാത്മാ
ബലമൊടു സ തു ഗത്വാ ഘോരനാദങ്ങൾ ചെയ്ത
ഭുവനമിളകുമാറായ് രാഘവം തം ബഭാഷേ.

പദം:
കേളെടാ നീ ദാശരഥ അല്പരോടു ഞാനമർചെയ്കയില്ലാ
ശക്തിയുള്ളാർ ചെയ്യണം യുദ്ധം