പിത്രാ‍ ക്ണുപ്തം സമിതിസഹസൈവാനിരുദ്ധസ്യ ബന്ധം

സഖ്യാ വക്ത്രാദുദിതമുഖവൈവർണ്ണ്യമാകർണ്യ ഗൂഢം

ബാഷ്പാംഭോഭിഃ കുസുമമളിമം മ്ലാപയന്തീ കദുഷ്ണഃ

തദ്‌വിശ്ലേഷാദഥപുനരുഷാ വിഹ്വലാ ബഹ്വലാപീൽ
 

 

മാരസന്നിഭാകാര! മാരകുമാര! മാല്പെരുകുന്നു മനതാരിൽ

പാരാവാരസലിലേ പരിചൊടു ദിനകരൻ
 

വീര! മുങ്ങീടുന്നതു വിരവിൽ കണ്ടിതോ നാഥ!

അന്നു നിദ്രയിലെന്റെ അരികിൽ മെല്ലെയണഞ്ഞു
 

തന്നു വദനമധു തരസാ നീ പിന്നെയെങ്ങുപോയാറെ

പാരം വിവശയായ് ഞാൻ, ഇന്നെന്റെ നയനങ്ങൾ
 

ഏറ്റം സഫലങ്ങളായ് കാമനും ശരാസനം

കരതലെ എടുത്തെന്റെ പൂമെയ്യിൽ ശരമഴ പൊഴിക്കുന്നു
 

സോമനും രജനിയെ സ്വൈരം പുണർന്നീടുന്നു

താമസമരുതേതും സമയോചിത കേളിയിൽ

 

 

 

മല്ലാക്ഷിമാർ നിങ്ങളുടെ സല്ലാപം കേൾക്കയാലിന്നു

ഉല്ലാസമേറ്റം മാനസേ
 

കല്യാണാംഗിമാരെ നിങ്ങൾ നല്ലൊരു ഗാനം ചെയ്താലും

ഉല്ലാസമേറ്റം മാനസേ

മതിമുഖീ കരുതണം ഇന്നു മമ

മതിമോഹനൻ ഇവനെന്നു

അന്നേരം അതിമാത്രം അളികാളികാഭവേണീ

സന്നതനു ലതികാസ്വിന്നത കലർന്നു മേ
 

ഉന്നത കുചങ്ങളിൽ ഉളവായി പുളകങ്ങൾ

മുന്നിൽ നിന്നവൻ എന്റെ മിന്നൽ പോലെ മറഞ്ഞു

കാമോപമ രൂപൻ കമനൻ വന്നു നിദ്രയിൽ 

കാമിനീ മമ സവിധേ
 

ശ്യാമകമലദള കോമള കളേബരൻ

വാമമിഴിമാർ മതിവലക്കും മഞ്ജുഹസിതൻ
 

പൂന്തേൻ മൊഴി അവൻ ഏകാന്തേ മെല്ലെ അണഞ്ഞു

കാന്തേന്ദു മണിമേട കമ്രതളിമമതിൽ
 

ചന്തമിയലും മുഖചെന്താമരയിൽ നിന്നു

ചിന്തും മധു തന്നെന്റെ പന്തുമുലമേൽ ചേർന്നു

 

ലോലലോലപല്ലവ ലീലകോലും അംഗുലീ-

ജാലം കൊണ്ടു തലോടി ജാതരൂപമേനിയേ
 

നീലവേണീ എന്നുടെ നീവി തന്നുടെ

ബന്ധചാലനം തുടർന്നപ്പോൾ ചലമിഴി ഉണർന്നു ഞാൻ

അഥ പുനരപിദ്രം ജാതു കേനാപി യൂനാ

കിമപി സുരതസൗഖ്യം പോപിതാ ദീപിതാശാ

ഉഷസി കലുഷചിത്താ തദ്വിയോഗാദുഷാ സാ

പരിണതശശിവക്ത്രാ ചിത്രലേഖം ജഗാദ

സത്യമുരചെയ്തതതിത്രസ്താംഗിയായി ഞാൻ

അത്രയുമല്ലേറ്റവും നിദ്രാപി ബാധ മേ

സുന്ദരിമാർമണി ബാണനന്ദിനിയും സഖീ-
വൃന്ദമോടങ്ങൊത്തുചേർന്നു ഭംഗിയോടെ

ചന്ദ്രകര രഞ്ജിതമാം ചന്ദ്രശാലോപരി-
ചന്ദ്രമുഖി ചെന്നു കളിയാടി മന്ദം

ആളിമാർ നടുവിൽ പന്തും ആടിക്കൊണ്ടങ്ങിനെ
മാളികമുകളിൽ വിളയാടി നീളേ

കുന്തളബന്ധം അഴിഞ്ഞതിടങ്കൈ
കൊണ്ടു താങ്ങിക്കൊണ്ടും