ശ്ലോകം
ബ്രഹ്മപുത്രനും ഇന്ദ്രന്‍ തുടങ്ങിയ ദേവന്മാരാല്‍ എപ്പോഴും മാനിക്കപ്പെടേണ്ടവനും പുണ്യവനും പണ്ഡിതനും ശ്രീപരമേശ്വരന്റെ ഭാര്യാപിതാവും സകലകലാ നിപുണനും എതിരറ്റ ഗുണങ്ങളെക്കൊണ്ട് മഹാവിഷ്ണുവിന് ഇഷ്ടപ്പെട്ടവനും അളവറ്റ തേജസ്സോടു കൂടിയവനും ആയ ദക്ഷന്‍ എന്ന പ്രജാപതി ഉണ്ടായിരുന്നു.

പദം
ഭാഗ്യസമുദ്രവും തേജസ്വിയും അഷ്ടാംഗയോഗ നിപുണനും യോഗിശ്രേഷ്ഠനും സജ്ജനങ്ങള്‍ക്ക് ചിന്താമണിയും സുശീലനും ശത്രുക്കളെ ജയിച്ചവനും ബന്ധുക്കളെ രക്ഷിക്കുന്നവനും ധര്‍മ്മനിഷ്ഠനും കര്‍മ്മനിഷ്ഠനും മഹര്‍ഷിമാരാല്‍പോലും മാനിക്കപ്പെടുന്നവനും പരിശുദ്ധഹൃദയനും നീതിമാനും വിനയത്തോടുകൂടിയവനും വേദശാസ്ത്രാദികളില്‍ പണ്ഡിതനും വേദവല്ലിയുടെ ഭര്‍ത്താവും അഭിമാനിയും ആയ (ദക്ഷന്‍) സര്‍വ്വമംഗളങ്ങളോടും കൂടി വാണു.