മണ്ഡോദരിയുടെ ഈ അവസാനപ്പദം ഇപ്പോൾ നടപ്പുണ്ടെന്ന് തോന്നുന്നില്ല. രാവണന്റെ മുൻ പദത്തോടെ നാടകീയമായ രംഗങ്ങൾക്ക് അരങ്ങ് സാക്ഷിയാവുകയാണ്. ഇതോടുകൂടെ രംഗം അവസാനിക്കുന്നു എന്നാണ് ആട്ടക്കഥയിൽ എങ്കിലും അരങ്ങത്ത് രവണൻ പോകുന്നതോടേ ഹനൂമാൻ ശിംശപാവൃക്ഷശിഖരത്തിൽ നിന്ന് ഇറങ്ങി സീതയെ കാണുന്നതായി നടിക്കുന്നതിനുള്ള ശ്ലോകം, “ത്രിജടയാം രാക്ഷസസ്ത്രീ..“ എന്ന് തുടങ്ങുന്നത് ചൊല്ലുന്നതായാണ് “ചൊല്ലിയാട്ടം“ എന്ന പുസ്തകത്തിൽ കലാ.പദ്മനാഭൻ നായർ പറയുന്നത്. രാമകഥയൊന്നും പാടാതെ, ഹനൂമാൻ നേരെ “സീതേ നിൻ പാദാംബുജം…“ എന്ന് തുടങ്ങുന്ന പദമാണ് തുടങ്ങുന്നത്. അതായത് രംഗം 12ലേക്ക് അരങ്ങ് സംക്രമിക്കുന്നു.