ശ്ലോകം:-

പിന്നീട് സന്ദേശവുമായി പോയ ബ്രാഹ്മണൻ യാദവ പതിയോട് എല്ലാം ഉണർത്തിച്ച് തിരിച്ചുവന്ന് കൃഷ്ണന്റെ തിരുവായ്മൊഴികളെ കൊണ്ട് രുഗ്മിണിയെ സന്തോഷിപ്പിച്ചു.

 

പദം:-

ചെംബരത്തിപ്പൂപോലെ മനോഹരമായ അധരത്തോടുകൂടിയവളേ, പെൺകിടാവേ, ആഗ്രഹിച്ചതിനെ കൊടുക്കുന്ന ചിന്താമണിയെന്ന ദിവ്യരത്നമേ, ദു:ഖിക്കേണ്ടാ, നിന്റെ പ്രിയതമൻ, ഇവിടെ എത്തിക്കഴിഞ്ഞു. പൂർണ്ണചന്ദ്രമുഖീ, സകല രാജാക്കന്മാരും നിറഞ്ഞ സദസ്സിൽ വെച്ച് ഉടൻ തന്നെ താമരക്കണ്ണൻ  നിന്നെ കൊണ്ടുപോകും. കുട്ടീ, ഈ ബ്രാഹ്മണൻ പറഞ്ഞാൽ അതിനു മാറ്റം വരുമോ? ഇനിയും നിനക്കെന്തെങ്കിലും ആഗ്രഹമുണ്ടെങ്കിൽ ഞാനുടനെ ചെയ്യും.