കേശവപിള്ളയുടെയും സരസമ്മ അമ്മയുടെയും മകനായി 15/01/1952 ല്‍ ചാത്തന്നൂരില്‍   ജനനം. പതിമൂന്നാം വയസ്സില്‍ ഓയൂര്‍ മാധവപിള്ളയുടെ ശിഷ്യത്വത്തില്‍ കഥകളി പഠനം ആരംഭിച്ചു . പതിനാലാം വയസ്സില്‍ അരങ്ങേറ്റം കഴിഞ്ഞതിനു ശേഷം ഇരിങ്ങാലക്കുട ഉണ്ണായി വാര്യര്‍ സ്മാരക കലാനിലയത്ത്തില്‍ ചേര്‍ന്ന് കഥകളി പഠനം ആരംഭിച്ചു . കലാനിലയം കുട്ടന്‍ , പള്ളിപ്പുറം ഗോപാലന്‍ നായര്‍ , കലാനിലയം രാഘവന്‍ എന്നിവര്‍ ഗുരുക്കന്മാരായിരുന്നു . കലാനിലയം കുട്ടന്റെ ഗൃഹത്തില്‍ നിന്ന് പിന്നീട് ഗുരുകുല സമ്പ്രദായത്തിലും അഭ്യസിച്ചിട്ടുണ്ട് . പിന്നീട് ഇരുപതാ വയസ്സില്‍ മാങ്കുളം വിഷ്ണു നമ്പൂതിരിയുടെ കായംകുളത്തുള്ള ഗൃഹത്തില്‍ നിന്ന്  ഗുരുകുല സമ്പ്രദായത്തില്‍ അഭ്യസനം തുടര്‍ന്നു . മാങ്കുളം സമസ്ത കേരള കഥകളി വിദ്യാലയം ആരംഭിച്ചപ്പോള്‍ അവിടത്തെ പ്രധാന അംഗങ്ങളില്‍ ഒരാളായിരുന്നു (പിന്നീട് ഇതാണ് മാര്‍ഗി എന്നാ പേരില്‍ തിരുവനന്തപുരത്തേക്ക് പറിച്ചു നടപ്പെട്ടത്‌ ). പിന്നീട് ഒരു പാട് കഥകളി വിദ്യാലയങ്ങളില്‍ അധ്യാപകനായി സേവനം അനുഷ്ടിച്ചിട്ടുണ്ട് . ഇപ്പോള്‍ ഭൂതക്കുളം കേരള കലാ രംഗം , കൊട്ടാരക്കര കലാക്ഷേത്രം , ചാത്തന്നൂര്‍ കലാകേന്ദ്രം എന്നിവിടങ്ങളില്‍ അധ്യാപകനായി സേവനം അനുഷ്ടിച്ചു വരുന്നു . ചവിട്ടി ഉഴിച്ചിലില്‍ വിദഗ്ധനും കൂടിയാണ് ശ്രീ കൊച്ചുനാരായണപിള്ള . പച്ച , കത്തി , കരി , വെള്ളത്താടി തുടങ്ങി എല്ലാ വേഷങ്ങളും ധാരാളമായി ചെയ്തു വരുന്നു .