പതിദേവതമാരനവധി
രാഗം:
താളം:
ആട്ടക്കഥ:
കഥാപാത്രങ്ങൾ:
പതിദേവതമാരനവധി ഭുവി കേളതിലൊന്നല്ലോ ഞാൻ;
ചതി ദേവതകൾ തുടർന്നീടുകിലോ ഗതിയാരവനീതലേ?
പതിസമനെന്നോർത്തിതു കേൾ നിന്നോടുദിതം നേരെല്ലാം;
ഇതരനൊടില്ലതു,മോർത്തവരൊടു സദൃശം വദ നീ പോയ്‌.
അർത്ഥം:
സാരം: പാതിവൃത്യ നിഷ്ടയുള്ള സ്ത്രീകളിൽ ഒരുവളാണു ഞാൻ. ദേവകൾ തന്നെ ചതി തുടങ്ങുകയാണെങ്കിൽ ഭൂമിയിൽ എന്താണു ഗതി ? എന്റെ മനസ്സിലെ ഭർത്താവിനു തുല്യം ഗുണങ്ങളുള്ളവനെന്നോർത്ത്‌ ഇത്രയും പറഞ്ഞു. ആ ഗുണങ്ങളില്ലാത്തവരോട്‌ അതുപോലുമില്ല. ഇതെല്ലാം ഓർത്തുവച്ച്‌ അങ്ങനെതന്നെ പോയി അവരോട്‌ അറിയിക്കുക.
അരങ്ങുസവിശേഷതകൾ:
ദമയന്തിയോട്‌ ഒരിക്കൽക്കൂടി ചോദിച്ച്‌ മറുപടികേട്ട്‌ ആശ്ചര്യം, വാത്സല്യം, ബഹുമാനം, പ്രണയം ഇവ നടിച്ച്‌ നളൻ മാറിപ്പോരിക.