ഭാഗിനേയ വത്സ, കേൾക്ക ഭാഷിതം മദീയമിന്നു

ഭാഗധേയവാരിധേ, ഭവിയ്ക്ക തേ ശുഭം
 

ദ്വാരകാപുരിയ്ക്കു വേളിചെയ്‌വതിന്നു പോക നല്ലു

കൗരവേന്ദ്ര, താമസമിതിങ്കലാവതോ?

ജ്യേഷ്ഠ ! കേള്‍ക്ക സ്പഷ്ഠമായി കനിഷ്ഠനാമെന്നാശയം

രക്തബന്ധസമശക്തിയുള്ലൊരു ബന്ധമെന്തുള്ളൂ ?
 

വ്യക്തമാണീവൈരിവംശജന്‍ വഞ്ചതിയനത്രേ

ദുഗ്ദ്ധമേകി വളര്‍ത്തിയോരു ഭവാനെ കര്‍ണ്ണഭുജംഗമം
 

കൊത്തിടുന്നതിനു മുന്പിലവനെ ഹനിച്ചീടേണം

രഹസിവഞ്ചക നിഗ്രഹം നിശിനിര്‍വ്വഹിച്ചീടാം
 

അഹമതിന്നനുമതിതരേണമഹികേതനാ !

കാലിണ കൈതൊഴുതീടുന്നേന്‍ അഗ്രജ ഭൂപതിതിലക

 

ഭീമാദികളാമധമന്മാരെ നിധനം ചെയ്തീടാന്‍
താമസമിനിയും കുരുകുലവീരാ ഹാനിവരുത്തുകയില്ലേ ?

 

വിദ്വേഷാഗ്നി ജ്വാലകള്‍ നമ്മുടെ ഹൃത്തില്‍കത്തിപ്പടരുന്നൂ
ക്ഷാത്രവശോണിതപാനംചെയ്തവ ശമനം ചെയ്യേണ്ടേ ?

 

അക്ഷൌഹിണികളിലണിയണിയായി സമരോത്സാഹത്താല്‍
അക്ഷമാരായിഹ നില്‍പ്പു ഭടന്മാര്‍ , പടനീക്കുകയല്ലേ ?

 

തന്ത്രവിചക്ഷണമന്ത്രിപ്രമുഖര്‍ നിന്തിരുവടിയെക്കാണ്മാന്‍

മന്ത്രഗൃഹത്തില്‍ വന്നിട്ടുണ്ടവിടേയ്ക്കെഴുന്നള്ളുകയല്ലേ ?

 

അന്നു കൊല്ലാതെയയച്ചതുകൊണ്ടല്ലൊ

ഇന്നു വന്നാക്ഷേപമോതുന്നതിങ്ങനെ?
 

എന്നുമിനി വരാതുള്ളൊരുമാർഗ്ഗത്തെ

ഇന്നുതന്നെ അയച്ചീടുന്നതുണ്ടു ഞാൻ

വീരവാദങ്ങളീവണ്ണം വൃകോദര! പോരും പറഞ്ഞതു പണ്ടെടാനിന്നുടെ

ദാരങ്ങളെയങ്ങുമിങ്ങും ഇഴച്ചൊരുനേരം ഭവാനുടെ ശൗര്യമിതെങ്ങുപോയ്?

മുഗ്ദ്ധമതേ കൃഷ്ണേ! ചൊൽക ദുഗ്ദ്ധചോരൻ കൃഷ്നനോ വി -

ഭഗ്ദ്ധനഹോ തവ പാലനേ?

ഇദ്ധരാങ്കണം മുഗ്ദ്ധമായ് മാർജ്ജനം ചെയ്യണം

സ്നിഗ്ദ്ധതയില്ല നമുക്കു ധരിക്കെടീ ദഗ്ദ്ധയതാം നീയിതുചെയ്യായ്കിൽ

 

പാഞ്ചാലി കേള്‍ നിന്നുടെയ

പഞ്ചപ്രാണനാഥന്മാരും

അഞ്ചാതെകണ്ടേവം നില്ക്കവേ ചഞ്ചലഹീനം

പൂഞ്ചേലഞാനിന്നഴിക്കുവന്‍

 

വഞ്ചകവരനാം വസുദേവാത്മജ-

വഞ്ചതിബലവും കാണണമിപ്പോള്‍

അഗ്രജ കുരൂദ്വഹ സമഗ്രബല! പോക നാം

വ്യഗ്രത വെടിഞ്ഞിതില്‍ ഉദഗ്രതരപൌരുഷം

 

അത്ര ഖലു നമ്മുടയ ശത്രു വാഴുന്നതും

എത്രയുമയുക്തതരമത്രേ നിനക്കിലോ.

 

ഇത്ര ബഹുചിത്രമാം ഇസ്ഥലത്തില്‍ സിത-

ച്ഛത്രമൊടിരിപ്പതിനു പാത്രം ഭവാന്തന്നെ.

 

ദുര്‍മ്മതികളായിടും ധര്‍മ്മതനയാദികടെ

ദുര്‍മ്മദമടക്കിയിഹ ശര്‍മ്മമൊടു വാഴണം