ഇളകിയാട്ടം -  ദുര്യോധനന്‍ ദുശ്ശാസനോട് : അനുജാ , നീ പറഞ്ഞത് ശരിയാണ് . എന്നെ കാത്തിരിക്കുന്ന മന്ത്രിമാര്‍ക്ക് യഥോചിതമായ നിര്‍ദ്ദേശങ്ങള്‍ നല്‍കണം . സൈന്യസജ്ജീകരണങ്ങള്‍ നേരിട്ട് കാണണം . ആയുധശാലകള്‍ പരിശോധിക്കണം . ഇനി താമസം പാടില്ല . വരൂ , നമുക്ക് പോകാം . ( കര്‍ണ്ണനോട് ) പ്രാനസ്നേഹിതാ , നീയും എന്നോട് കൂടെ വരൂ . എനിക്ക് എല്ലാത്തിനും നിന്‍റെ സഹായം അപരിത്യാജ്യം ആണ് . നീയാണല്ലോ യഥാര്‍ത്ഥത്തില്‍ എന്‍റെ ശക്തിയുടെ അസ്ഥിവാരം .

 

കര്‍ണ്ണന്‍ - നിങ്ങള്‍ രണ്ടു പേരും മുമ്പേ പോകുവിന്‍ . ഞാന്‍ പിന്നീട് വന്നു കൊള്ളാം . ഞാന്‍ ഗംഗാതീരത്തിലേക്ക് ഒന്ന് പോയി വരട്ടെ .

 

ദുര്യോധനന്‍ : കര്‍ണ്ണാ , ചില ദിവസങ്ങളായിട്ട് നിനക്ക് ഉന്മേഷമില്ലായ്മയും മ്ലാനതയും ഞാന്‍ കാണുന്നുണ്ട് . വിശേഷിച്ച് വല്ലതും ഉണ്ടോ ?

 

കര്‍ണ്ണന്‍ - നിദ്രയ്ക്ക് ഭംഗം വരാറുണ്ട് . അതു കൊണ്ട് ചെറിയൊരു ക്ഷീണവും . ഗംഗാസ്നാനം ചെയ്ത് പ്രാര്‍ത്ഥിച്ചാല്‍ എല്ലാം മാറി പോകും .

 

ദുര്യോധനന്‍ - ശരി , ഞങ്ങള്‍ പോകട്ടെ . നീ വന്നിട്ട് മാത്രമേ അവസാനത്തെ തീരുമാനമെടുക്കൂ .

 

ദുര്യോധനനും ദുശ്ശാസനനും ഒരു വശത്ത്കൂടി പോകുന്നു.