രാക്ഷസിക്കു കുലദൂഷണം ചെയ്ത നീ

അക്ഷികള്‍ ഗോചരേ വന്നതെന്‍ ഭാഗ്യവും

രക്ഷിച്ചുകൊള്ളുക ജീവിതമിന്നെടോ

ശിക്ഷയില്‍ ദ്വന്ദ്വയുദ്ധം തുടങ്ങീടുക

 

ഭക്തമൊടുങ്ങുവോളം നീ ഭുജിക്കെടോ

ചിത്തമതില്‍ ഖേദമില്ല നരാധമ

കുക്ഷിയിലല്ലോ നിറയുന്നിതന്നവും

ഭക്ഷിച്ചിടാം പുനരൊന്നിച്ചു നിന്നെയും

 

ശ്ലോകം
ശ്രുത്വാ ഭീമപ്രണാദം ശ്രുതികടുഝടിതി പ്രൌഢരക്ഷോധിനാഥ:

ക്രോധാല്‍ പ്രോത്ഥായ നേത്രക്ഷരദനലകണൈ:ക്രൂരധൃഷ്ടാട്ടഹാസൈഃ

പ്രേംഖല്‍ ദംഷ്ട്രാംശുരൌദ്രഃ പ്രളയഘനവപുഃ കാനനാന്താല്‍ പ്രതസ്ഥേ

മാര്‍ഗ്ഗം നിദ്ധ്വാനമാര്‍ഗ്ഗം പഥി വിവിധമിദം പ്രോച്ചകൈരുച്ചചാര

പല്ലവി:

 

കഷ്ടമിവനുടെ ദുഷ്ടത കാണ്‍കെടോ

പെട്ടെന്നു വന്നീടായ് വാനെന്തു കാരണം

 

അനുപല്ലവി:

 

മൃഷ്ടമായഷ്ടി കഴിക്കയോ നീ ബത

പൊട്ടുന്നുദരം വിശപ്പുകൊണ്ടും മമ