ശ്രീമൻ! കൃപയാ മൽ ജീവരക്ഷ ചെയ്‌വാൻ

സാമോദം വന്ന ഭവാൻ, സാക്ഷാൽ

ശ്രീമാധവൻ താനോ? ശ്രീമഹാദേവനോ?

ശ്രീമാനാം ദേവേന്ദ്രനോ? മനുജനോ?

 

ഹേ മതിമൻ! ത്വരിതം വദ വദ രാമചന്ദ്രചരിതം

സൽ കൃപാബ്ധേ! പ്രാണരക്ഷണത്തിനുണ്ടോ

നിഷ്കൃതി തക്കതായി? തവ
 

സൽക്രിയയ്ക്കിന്നു ഞാനിക്കണ്ട ലോകത്തെ-

യൊക്കെയും തന്നീടിലും മതിയാമോ?

 

മാനവമൗലിയാം മാമകപൂർവ്വജൻ

വാനരവീരരോടും, യാതു-

ധാനവരോടും കൂടി വന്നീടാൻ നി-

ദാനമെന്തെന്നറിവാൻ കൊതിയ്ക്കുന്നേൻ

നന്ദിച്ചേവം ശ്രവിച്ചാഗുഹമൊഴികൾ തദുക്തേന മാർഗ്ഗേണ ഗത്വാ-

നിന്ദിക്കില്ലാരുമെന്നോർത്തുടനോരു മനുജാകാരനായ് ശ്രീഹനൂമാൻ

നന്ദിഗ്രാമം പ്രവേശിച്ചതികുതുകമൊടും നോക്കിനിൽക്കും ദശായാം

കുന്നിച്ചീടും വിഷാദാൽ ഭരതനരുളീടിനാൻ സാദരം സോദരം തം