താണുനിന്നും  കാണിക്കുന്ന സംയുതമുദ്ര.

മാറിനു മുന്നിൽ അടുപ്പിച്ചു പിടിച്ച ഹംസപക്ഷങ്ങൾ ഇരുവശത്തേയ്ക്കും അല്പമകറ്റി കൈത്തലങ്ങൾ പരസ്പരം അഭിമുഖം വരുമാറ് ചെരിച്ച് മുദ്രാഖ്യം പിടിച്ച് ഒടുവിൽ വിട്ട് ഹംസപക്ഷമാക്കുക.

താണുനിന്നു കാട്ടുന്ന സംയുതമുദ്ര.

മാറിനുമുന്നിൽ കമിഴ്ത്തിപ്പിടിച്ച ഇരുകയ്യിലെയും ഹംസപക്ഷങ്ങൾ താഴെയ്യ്കെടുക്കുമ്പോൾ ചൂണ്ടുവിരൽ അൽ‌പ്പം അയച്ചുപിടിച്ച് മുഷ്ടിയോടെ മലർത്തി കൈക്കുഴ ഇളക്കി സാവധാനം മാറിനു മുന്നിലേയ്ക്ക് ഉയർത്തി നിർത്തുക.

വട്ടം വച്ചുകാണിക്കുന്ന സംയുതമുദ്ര.

മാറിനുമുകളിൽ ഉള്ളിലേയ്ക്ക് പിടിച്ച മുഷ്ടികൾ അവിടെ തന്നെ വിട്ട് ഭ്രമരം പിടിച്ച് ഇളക്കിക്കൊണ്ട് ഇടതുനിന്ന് വലത്തേയ്ക്ക് ഉലയുന്ന ദേഹത്തോടെ ഇരുകൈകളും നെറ്റ്യ്ക്കുസമം ഉയർത്തി ഇരുവശത്തേയ്ക്കും അർദ്ധവൃത്താകൃതിയിൽ ചലിപ്പിച്ച് മാറിനു മുന്നിൽ എത്തി അവവസാനിപ്പിക്കുന്നു.