നടുവിരലിന്റെയും മോതിരവിരലിന്റെയും മധ്യത്തിൽ തള്ളവിരൽ പ്രവേശിപ്പിച്ച് മറ്റുള്ള വിരലുകൾ എല്ലാം കൂടി മടക്കിയാൽ കടാകാമുഖ മുദ്ര ആയി.
ഹസ്ത ലക്ഷണ ദീപിക പ്രകാരം ചൂണ്ടു വിരലും നടു വിരലിനും ഇടക്ക്‌ പെരുവിരൽ കയറ്റി ബാക്കി വിരലുകൾ മടക്കുക എന്നാണ്, എന്നാൽ ശീല ഭേദം കൊണ്ട് നടു വിരലിനും മോതിര വിരലിനും ഇടക്ക്‌ പെരുവിരൽ കയറ്റി ബാക്കി വിരലുകൾ മടക്കുന്ന വിധത്തിൽ പലരും കാണിക്കുന്നു. - (ശ്രീ സി.പി ഉണ്ണികൃഷ്ണൻ & സദനം ഹരികുമാരൻ എന്നിവരുടെ അഭിപ്രായപ്രകാരം ചേർത്ത അധിക വിവരം.)
താണ് നിന്ന് കാട്ടുന്ന സംയുതമുദ്ര.
ഇരുകൈകളിലേയും കടകാമുഖം വലത്തെ കൈ ഉള്ളിലേക്കും ഇടത്തെ കൈ പുറത്തേയ്ക്കും ആയി മാറിനു മുന്നിൽ പിടിച്ച് ഓരോ കൈകളായി വെവ്വേറെ ഒരു ചെറു വൃത്താകൃതിയിൽ മുന്നിലെക്ക് ചലിപ്പിച്ച് അതോടൊപ്പം ശരീരത്തിന്റെ കൂടെ ചലനത്തോടെ ഈ മുദ്ര കാട്ടുന്നു.
ചുഴിച്ച് പിന്നാക്കം ചാടി കാട്ടുന്ന സംയുതമുദ്ര.
ഇടംകയ്യിലെ കടകാമുഖം നെറ്റിക്ക് മുന്നില്‍ ഉള്ളിലേക്ക് പിടിച്ചും വലം കയ്യിലെ പതാകം നെറ്റിക്ക് മുന്നില്‍ പുറത്തേക്ക് പിടിച്ചും മുദ്ര തുടങ്ങുന്നു. ദേഹം താണുനിവരുന്നതോടെ കൈകൾ ഇരുവശത്തേയ്ക്കും അകറ്റി വിടർത്തുന്നു. കൈകള്‍ ഇരുവശത്തേക്കും അകറ്റി ഭീമസേനനെ സ്മരിച്ച് വീരഭാവത്തില്‍ അവസാനിക്കുന്നു.