നിഷ്കരുണനാമെന്റെ നൽക്കരപഞ്ജരത്തിൽ
ദുഷ്കർമ്മഫലം കൊണ്ടു വിഷ്കീരമെന്നപോലെ
പുക്കിതു നീയോർക്ക

നിസ്ത്രപനരാധമ വിസ്തൃതമായ തവോ
രുസ്ഥല രംഗത്തിൽ
ശസ്ത്രജാലങ്ങൾ നിന്നു നൃത്തമാടീടുമത്ര

മത്തകാശിനിമാരോടിത്തൊഴിൽ ചെയ്തനിന്നോ
ടുത്തരം ചെയ്‌വാനെനെറ്റെ
ശസ്ത്രങ്ങൾ മതിയാകും
മർത്ത്യാധമാതിധൂർത്ത

സോരസ്താഡമമൂം ക്ഷിതൗ നിപതിതാം രക്തപ്രവാഹോക്ഷിതാം
നീലാദ്രീന്ദ്രതടീം സഗൈരികഗളത്സന്നിർഝരൗഘാമിവ
ഉച്ചൈർബ്ബാഹുതലാഹതാവനരസാവാശ്വാസ്യതാമുത്ഥിതാം
കിർമ്മീരഃ പുനരാഹവായ സ യയൗ ചാഹ്വാസ്ത ഭീമം രുഷാ
 

കടലോടടൽ പൊരുതീടിന പടയോടഹമിവിടെ
ഝടഝടേത്യടവിവിടപിപടലിയെ
പൊടിപൊടിപ്പനതിപടുത്വമോടു
മൂഢ വിലോകയ മേ പാടവം വാടാ

മടവാരൊടു കടുതായിതു ശഠ തേ കരപടുതാ
വിടമതേടുമടികൾ കൊണ്ടു നിന്നുടൽ
ഝടിതി പാടിതുമടാമ്യയി കീട

വലശാസനകുലിശാഹതകലശൈലവദവശം
അതിനിശാതമദിഷുജാതദലിതം
തവശരീരമിഹ ശയക്കുമധുനാ

വത്സേ കിന്തു വൃഥാ തവ രോദം
മത്സോദരി കുരു മാ മാ വിഷാദം

മാത്സര്യമുള്ളൊരു മർത്ത്യമിദാനീ-
മുത്സാഹേന സമുത്സാദയാനി

ഉൾത്താപം ത്യജ സത്വരമിന്നു നീ
ഉത്ഥാനം ചെയ്ക മത്തേഭഗാമിനി
മർത്ത്യന്മാരെ അമർത്ത്യലോകെ ചേർപ്പാൻ
ചിത്തകോപത്തോടു പോകുന്നു ഞാനിപ്പോൾ

ആഹന്ത നിന്നെ വികൃതിയാക്കി ഇന്നു
ആരൊരുത്തൻ ഭുവി സൗഖ്യേന വാഴുന്നു
ആരുള്ളൂ മൽഭുജവീര്യം സഹിപ്പാനാ-
മേരുലങ്കമവനിയിലിപ്പോൾ

പൃഥ്വിയിൽ മയി ജീവിത്യഹോ കഷ്ടമാ-
പത്തുകൊണ്ടു നീ ഖേദിക്കരുതൊട്ടും
കോപത്തിനിന്നവർ ലാക്കാകയില്ല മേ
രോപത്തിനു യുധി ലാക്കായി വന്നീടുമേ