ശോഭതേ തവാഭീഷ്ടം ഭൂപതേ!

ശ്രീപതിപ്രസാദലാഭവും
 

സര്‍വ്വപാപനാശനമേകാദശീ വ്രതഫലം

പ്രാതഃകാലേ കുളിക്കേണം, ഹരിപാദം ഭക്ത്യാ ഭജിക്കേണം
 

സാധു മൌനം ന ഖലു താംബൂലാശനം

മോദസംവര്‍ദ്ധനം വിഷ്ണുനാമകീര്‍ത്തനം
 

ഊണുറക്കാമൊഴിയേണം കളവാണീമാരോടകലണം

പ്രാണിഹിംസാദികളും പാരം വര്‍ജ്ജിക്കേണം
 

ക്ഷോണീനാഥ! തത്ര സാരം ഹരിവാസരം

ശുദ്ധിവേണം തലനാളേ വിഷ്ണുഭക്തിയും സകലകാലേ
 

പ്രീത്യാ പിറ്റേദ്ദിനം ചെയ്ക പാരണയും

ഇത്ഥമേകാദശീ നോല്‍ക്കേണ്ടുന്ന വിധി

വരുത്തുക ഭവാന്‍ ചെന്നു ധരിത്രീന്ദ്ര! വിരവോടു

വ്രതത്തോടിന്നിരുന്നതിലൊരുത്തനെ ഇവിടെ
 

നിരസ്തസങ്കടം ഞങ്ങളിരിക്കും നീ വരുവോള -

മനുത്തമ കുലമണി സത്തമകുല മൌലേ!
 

ത്രസിക്കൊല്ല വീര ശപിക്കയില്ലെടോ ഞങ്ങള്‍

ഗമിക്ക കാര്യസിദ്ധയേ നീ കണ്ടു

വചിച്ചീടാം കരണീയം ശ്രവിച്ചാലും അതു ഭവാന്‍

ഭജിച്ചേകാദശീവ്രതം ഭുജിച്ചീടാത്തവരിഹ
 

ഗമിച്ചാശു തൊടുന്നാകില്‍ ചലിച്ചീടാതവനിയി-

ലുറച്ചോരു വിമാനമുല്‍പതിച്ചീടും നഭോമാര്‍ഗ്ഗേ

പൂവെല്ലാം ദേവനാര്യസ്സകുതുകമുടനേ വ്യോമയാനത്തിലാക്കി-

പ്പോവാന്‍ ഭാവിച്ച നേരം നൃപനഥ തരസാ ചെന്നു യാനേ പിടിച്ചു

ദിവ്യം സൌവര്‍ണ്ണ യാനം വിഗതഗതിരയം സ്തബ്ധമായ് തത്ര നിന്നു

ദേവ്യസ്താവത്സരോഷം നരപതിവരനോടൂചിരേ കേചിദേവം
 

 

ഏവം പറഞ്ഞിഹ മറഞ്ഞുവസിച്ചു ഭൂപന്‍

ദേവാംഗനാസ്സരസമപ്സരസസ്തദാനീം

സൌവര്‍ണമായൊരു വിമാനവുമേറിവന്ന-

പ്പൂങ്കാവിലേത്യ കുസുമങ്ങളിറുത്തു മോദാല്‍