വീണിടും ഭുവി നീ തന്നെ എന്റെ ശസ്ത്രത്താൽ കൃത്തകണ്ഠനായ്

കാണലാം പിന്നെ കങ്കങ്ങൾ പദത്താൽ

ചവുട്ടിമറിപ്പതും കാണലാമതു കാണലാം

പോരിലെന്നോടെതിർത്തുനിന്നു ജയിക്കിലോ നീ മഹാബലൻ

ആരുമീവണ്ണം ചൊല്ലിടാം എന്നെ യുദ്ധത്തിൽ കണ്ടിടാം ദൃഢം

കാണലാമെന്റെ പാണിയാൽ നിന്റെ മൗലിയറ്റു തെറിപ്പതും

വാണിരിപ്പതിനായി നിന്നെയയയ്ക്കയില്ലൊരുനാഴിക

ആളല്ലെങ്കിലോ ശൂർപ്പണഖീമുലമൂക്കരിയിച്ചതെന്തിനായ് കേൾ

നീ പിന്നെപ്പതിന്നാലു യാതുധാനരെക്കൊലചെയ്തതും

ബാലനാം ത്രിശിരസ്സിനേയും രണങ്കണേ കൊന്നു പിന്നെയും

ചാലവേയവരെ ഹനിച്ചതിന്നു കൊല്ലുവൻ നിന്നെ ഞാൻ

യുദ്ധക്ഷോണ്യാം ത്രിമൂർദ്ധാ രഘുവരനിഹതോ വീണശേഷം ഖരൻ കേ-

ട്ടത്യന്തം ക്രുദ്ധനായിപ്പടപൊരുവതിനായ് ദൂഷണം യാത്രയാക്കി

സോയം ജല്പന്മനുഷ്യൗ നിശിതകണകളാൽ കൊല്ലുവൻ വൈകിയാതെ

ഇത്ഥം ഗത്വാ പടയ്ക്കായ് രണഭുവി തരസാ രാമനോടേവമൂചേ