Ambujakshan Nair : ചെങ്ങന്നൂര്‍ ആശാന്‍ അവസാനം പങ്കെടുത്ത ചടങ്ങ് . ശിഷ്യന്റെ മകളുടെ വിവാഹം . സ്ഥലം: മാവേലിക്കര ശ്രീകൃഷ്ണസ്വാമി ക്ഷേത്രം . അന്ന് നാല് വിവാഹം അവിടെ നടന്നിരുന്നു. ആശാനെ സ്നേഹിക്കുന്ന പലരും അവിടെ എത്തിയിരുന്നു. അവര്‍ക്കെല്ലാം അശാനെ അവസാനമായി കാണുവാന്‍ സാധിച്ചു. അന്ന് വിവാഹ സദ്യയ്ക്ക് ശേഷം അദ്ദേഹം ആഹാരം കഴിച്ചിട്ടില്ല. ലിക്ക്യുട്ട് ഫുഡ്‌ മാത്രമായിരുന്നു ഉപയോഗിച്ചത് . മരണത്തിന് ഒരു ദിവസം മുന്‍പ് ആശാന്റെ ഗൃഹത്തിന് സമീപം വെന്മണി തൃക്കയില്‍ ക്ഷേത്രത്തില്‍ കഥകളി ഉ ണ്ടായിരുന്നു. ആശാന്‍ അന്ത്യശ്വാസം വലിച്ചു കിടക്കുമ്പോള്‍ ശ്രീരാമപട്ടാഭിഷേകം കഥകളിയുടെ പാട്ടും മേളവും ആശാന്റെ കാതില്‍ എത്തിയിരുന്നു. ശിഷ്യന്മാരില്‍ മടവൂര്‍ ആശാന്‍ ശ്രീരാമനായും, ഹരിപ്പാട്‌ ആശാന്‍ ഹനുമാനായും , ചെന്നിത്തല ആശാന്‍ ഭരതനായും അന്ന് അവിടെ കളി നടന്നു . കളി കഴിഞ്ഞ് മടവൂര്‍ ആശാന്‍ മാത്രം പോയില്ല . ചെന്നിത്തല ആശാന്റെ ശിഷ്യന്‍ ശ്രീ. ഗൌരീശപട്ടം നാഗപ്പന്‍ നായര്‍ അവര്‍കള്‍ ആശാന്റെ ഗൃഹത്തില്‍ എത്തി വിളക്ക് വെച്ച് ഭാഗവതം വായിച്ചു കൊണ്ടിരിക്കുമ്പോള്‍ ആശാന്റെ ശ്വാസം നിലച്ചു. മരണ സമയത്ത് ആശാന്റെ നെഞ്ച് തടവിക്കൊണ്ട് മടവൂര്‍ ആശാന്‍ ഉണ്ടായിരുന്നു. കൂട്ടത്തില്‍ ഞാനും.

Sankaran Nampoothiri ഞാനും നേരിട്ട് കണ്ടിട്ടുണ്ട് ഇദ്ദേഹത്തെ അദ്ദേഹത്തിന്റെ വീട്ടില്‍ വെച്ച് തന്നെ..മടവൂര്‍ ആശാനും ഒക്കെ ഉണ്ടായിരുന്നു അപ്പോള്‍ എനിക്ക് വളരെ ചെറുപ്പം ആയിരുന്നു, സന്ദര്‍ഭം ഒന്നും ഓര്‍മയില്ല പക്ഷെ ഒരു മഹാനായ കലാകാരനെ കാണുകയാണ് എന്ന ബോധം ഉണ്ടായിരുന്നു..

Sankaran Nampoothiri ചെങ്ങന്നൂര്‍ അമ്പലത്തില്‍ കളി നടക്കുമ്പോള്‍ ആശാന്റെ അലര്‍ച്ച ഞങ്ങളുടെ ഇല്ലത്തു (5-6 K. M അകലെ) കേള്‍കുമായിരുന്നു എന്ന് അച്ഛന്‍ പറഞ്ഞു കേട്ടിട്ടുണ്ട്.. "അക്കാര്യത്തില്‍ തോട്ടം പോരാ " എന്നും