കഥകളി വിജ്ഞാനകോശത്തില്‍ നിന്നും ചില വരികള്‍  : കഥകളിയുടെ പ്രശസ്തി കേരളത്തിന്റെയും ഭാരതത്തിന്റെയും സീമകള്‍ക്കപ്പുറത്ത് പ്രചരിപ്പിക്കുന്നതില്‍ ശ്രീ. മാങ്കുളവും തന്റേതായ പങ്ക് വിദഗ്ദമായി നിര്‍വഹിച്ചിട്ടുണ്ട്. ഭാരതത്തിലെ വിവിധ കേന്ദ്രങ്ങള്‍ക്ക് പുറമേ അമേരിക്ക, ബ്രിട്ടണ്‍, ഇസ്രായേല്‍, സിങ്കപ്പൂര്‍, സിലോണ്‍ തുടങ്ങിയ സ്ഥലങ്ങളില്‍ പര്യടനം നടത്തുന്നതിനും കഥകളി സംഘങ്ങളിലെ മുഖ്യനടനെന്ന നിലയില്‍ പ്രമുഖ വ്യക്തികളില്‍ നിന്നും ബഹുമതികള്‍ നേടുന്നതിനുള്ള ഭാഗ്യം അദ്ദേഹത്തിനുണ്ടായിട്ടുണ്ട്. ഭാരതത്തിലെ പ്രമുഖ കലാകേന്ദ്രങ്ങളില്‍ നിന്നും ലഭിച്ചിട്ടുള്ള ബഹുമതികളും ഒട്ടും കുറവല്ല. യശ:ശരീരനായ  പണ്ഡിറ്റ് ജവഹര്‍ലാല്‍ നെഹ്‌റു നല്‍കിയ സ്വര്‍ണ്ണമെഡല്‍ അവയില്‍ മുഖ്യമായ ഒന്നാണ്.  കൂടാതെ ശ്രീമതി  ഇന്ദിരാ ഗാന്ധി, എസ്. കെ . പാട്ടീല്‍,  കാര്‍ട്ടൂണിസ്റ്റ് ശങ്കര്‍ തുടങ്ങിയ പ്രമുഖ വ്യക്തികള്‍ നല്‍കിയിട്ടുള്ള പ്രശംസാപത്രങ്ങളും എടുത്തു പറയേണ്ടവതന്നെ.
കേരളത്തിലെ മുഖ്യ കലകേന്ദ്രമായ വാഴേങ്കട ക്ഷേത്രസന്നിധിയില്‍ വെച്ച് കലാമണ്ഡലം  ചെയര്‍മാനായിരുന്ന ഡോക്ടര്‍. കെ. എന്‍. പിഷാരടി വഴേങ്കടയിലെ കലാപ്രേമികളുടെ വകയായി ഒരു സ്വര്‍ണ്ണ ശ്രുംഖല സമ്മാനിച്ചുവെന്ന വസ്തുത ഉത്തര കേരളത്തില്‍ അദ്ദേഹം നേടിയ പ്രശസ്തിക്ക് ഉത്തമ ദൃഷ്ടാന്തമാണ്.