അച്ഛനമ്മമാരാല്‍ ആനന്ദത്തോടെ വളര്‍ത്തപ്പെട്ടവളും  സകലകലകളിലും നിപുണയുമായ സതി എന്നു പേരായ അവള്‍ കുട്ടിക്കാലം മുതല്‍ തന്നെ ശ്രീപരമേശ്വരനെ ഭര്‍ത്താവായിക്കിട്ടാന്‍ ആഗ്രഹിച്ച് അതിനുവേണ്ടി തപസ്സുചെയ്തു.

ശ്രീനീലകണ്ഠാ, ഗുണസമുദ്രമേ,ആനന്ദരൂപാ, അവശര്‍ക്ക് ബന്ധുവായിട്ടുള്ളവനേ, ചെമ്പിച്ച ജടയും,ചന്ദ്രക്കലയും, പൂര്‍ണ്ണചന്ദ്രന്റെ ശോഭയുള്ള ശരീരവും പുഞ്ചിരിയോടുകൂടിയ മുഖവും കാണാന്‍ ആഗ്രഹം വളരുന്നു. മഴക്കാറിന്റെ ശോഭയുള്ള കഴുത്തും കരങ്ങളും മാറിടവും ആനത്തോലുടുത്ത അരക്കെട്ടും ഭംഗിയുള്ള പാദങ്ങളും കാണണം. വേറൊരാള്‍ എനിക്ക് ശരണം ഇല്ല.അല്ലയോ കരുണാലയാ അങ്ങയുടെ പാദങ്ങളെ ഞാന്‍ ഭജിക്കുന്നു. അല്ലയോ ലോകനാഥാ എന്റെ മുന്നില്‍ വന്ന് വരം തന്നാലും.