പ്രമദാവനമിന്നു ബഞ്ജിക്കുന്നേൻ... എന്ന ഹനൂമാന്റെ പദം കഴിഞ്ഞ് ഹനൂമാൻ ഭഞ്ജനം നടത്തുന്നു. രാക്ഷസന്മാരെ അനവധി കൊല്ലുന്നു. അരങ്ങിലുള്ള രാക്ഷസന്മാർ തന്നെ അവസാനം ഹനൂമാനെ ബന്ധിച്ച് രാവണനു സമീപം കൊണ്ട് വരുന്നു. പിന്നെ രാവണന്റെ ഈ പദം. എന്നതാണ് ഇപ്പോൾ അരങ്ങത്ത് നടപ്പുള്ള രീതി.

ഈ രംഗം (ആട്ടക്കഥാപ്രകാരം അല്ല, അരങ്ങ് നടപ്പ് പ്രകാരം) തുടങ്ങുമ്പോൾ രാവണൻ വലതുവശത്ത് വാൾ കുത്തിപ്പിടിച്ച് അതീവഗൗരവഭാവത്തിൽ ഇരിക്കുന്നു. കെട്ടിയിട്ട ഹനൂമാനേയും കൊണ്ട് കിങ്കരന്മാർ ഇടതുവശത്തുകൂടെ പ്രവേശിച്ച് ഹനൂമാനെ ഇടതുവശത്ത് നിലത്ത് ഇരുത്തി, രാവണനെ വന്ധിച്ച് ഇതാ ആ കുരങ്ങൻ എന്ന് പറഞ്ഞ് ഹനൂമാനെ കാണിച്ച് കൊടുക്കുന്നു. ഹനൂമാനെ കണ്ട് അമർഷത്തോടെ രാവണന്റെ പദം.