താങ്കളുമായി സംഗമിച്ചതിനാൽ ഇന്ന് എന്റെ മനസ്സ് ആനന്ദം കൊള്ളുന്നു. എന്നിലുള്ള പാപത്തെ അകറ്റി എനിക്ക് പരമസുഖം വന്നിരിക്കുന്നു. ഇതൊന്നും ഞാൻ വെറുതെ തമാശ പറയുന്നതല്ല. അല്ലയോ ബുദ്ധിമാനേ, പണ്ട് ഒരിക്കൽ കിളിമൊഴിയായ പാഞ്ചാലിയുടെ ചീര ഇല ആഹാരം കഴിച്ചതിൽ പിന്നെ ഇന്നാണ് എനിക്ക് സുഖവും സംതൃപ്തിയും ഉണ്ടായത്. (അവിൽ കഴിച്ചപ്പോൾ.) അങ്ങ് കൊണ്ടുവന്ന അവിലിനു ഇത്ര മധുരം ഉണ്ട് എന്നത് ഞാൻ ഒരിക്കലും എന്റെ ബുദ്ധിയിൽ ഓർത്തിരുന്നില്ല. അതാണല്ലൊ നമ്മൾ തമ്മിലുള്ള സ്നേഹത്തിന്റെ മാഹാത്മ്യം!