പദം:-  സുന്ദരികളേ ഈ കാണുന്നതെല്ലാം എന്താണ്? എന്റെ ഭർത്താവിന്റെ യാത്രാഫലത്താൽ ഉണ്ടായ അന്തമില്ലാത്ത ഭാഗ്യം തന്നെ. മനോഹരങ്ങളായ് ആഭരണങ്ങൾ, അളവറ്റ, ധനം, ഇതൊന്നും ഞാൻ ആഗ്രഹിച്ചതേ അല്ല. ശ്രീകൃഷ്ണഭഗവാന്റെ കൃപ അത്ഭുതകരം തന്നെ. ഇത്രമേൽ സഖിമാരും മറ്റ് പരിവാരങ്ങളും അത്യുന്നതങ്ങളായ മാളിക, മണിമന്ദിരങ്ങളും എവിടെ നിന്നണോ വന്നത് യഥേഷ്ടം ഞങ്ങൾക്കു സുഖിക്കാനുള്ളതെല്ലാം ക്ജാളിയമർദ്ദ്കനായ കൃഷ്ണൻ തന്നിരിക്കുന്നു. ഭഗവത്പാദങ്ങളോടു ചേർന്ന് അവിടെ ദ്വാരകയിൽ സുഖമായി കഴിയുന്ന എന്റെ പ്രാണപ്രിയനായ ബ്രാഹ്മണൻ എന്നെ തീരെ മറന്നു കഴിയുകയാണെന്ന സങ്കടം മനസ്സിൽ തോന്നുന്നതിനെന്തു ചെയ്യാം സഖീ?