ശ്ലോകം:- സുഗ്രീവൻ ഇങ്ങനെ പറയുന്നത് കേട്ട് വീരനായ ഹനൂമാൻ സന്തോഷത്തോടുകൂടി ഭിക്ഷുരൂപം കൈക്കൊണ്ട് ദേവേന്ദ്രസമനും രാജാക്കന്മാരിൽ മുമ്പനുമായ ശ്രീരാമനെ ചെന്നുകണ്ട് നമസ്കരിച്ച് ഇങ്ങനെ പറഞ്ഞു.

പദം:- ഭംഗിയുള്ള നിങ്ങൾ മുനിവേഷം ധരിച്ച് അമ്പും വില്ലുമായി നടക്കുന്നതെന്താണ്? കാരണം എന്ത്? സുഗ്രീവൻ എന്ന ഒരു വാനരരാജാവ് ഈ ഋശ്യമൂകാചലത്തിൽ താമസിക്കുന്നുണ്ട്. അദ്ദേഹം നിങ്ങളുടെ സഖ്യം ഇഷ്ടപ്പെടുന്നു. സുഗ്രീവന്റെ മന്ത്രിയും വായുപുത്രനുമായ എന്റെ പേർ ഹനൂമാൻ എന്ന് ആണ്.