ശ്ലോകം: കിഷ്കിന്ധയുടെ ഗോപുരത്തിൽ ചെന്ന് ക്രുദ്ധനായ സുഗ്രീവൻ ലോകം നടുങ്ങുമാറു അട്ടഹാസം ചെയ്തു. ആ സമയം അത് കേട്ടാ ബാലി കൂടുതൽ രോഷാകുലനായി യുദ്ധത്തിനുപുറപ്പെടുന്ന സമയം ബാലിയുടെ പത്നിയായ താര വന്ന് അവനോട് ഇങ്ങനെ പറഞ്ഞു.

പദം:- അല്ലയോ വീരാ, ഭാര്യയായ ഞാൻ പറയുന്നത് കേൾക്കുക. നിന്നോട് യുദ്ധം ചെയ്ത് നിൽക്കാൻ പറ്റാതെ ഓടിപ്പോയ അവൻ വീണ്ടും വന്ന് യുദ്ധത്തിനു വിളിക്കുന്നത് ആലോചിച്ചാൽ അതിൽ ഒരു ശരികേടുണ്ട്. അതിനാൽ ഇപ്പോൾ വീരനെങ്കിലും നീ യുദ്ധത്തിനായി പോകരുത്. ദശരഥന്റെ പുത്രന്മാർ കാട്ടിൽ അലഞ്ഞുനടക്കുന്നുണ്ടെന്നും ഹനൂമാൻ അവരെ സുഗ്രീവനോട് ചേർത്തു എന്നും അംഗദൻ പറയുന്നത് കേട്ടു ഞാൻ. ശ്രീരാമാദികളുടെ സഹായാത്താൽ ആകണം സുഗ്രീവൻ വീണ്ടും നിന്നെ പോരിനു വിളിക്കുന്നത്. അതിനാൽ യുദ്ധത്തിനു പോകരുത്.