യാതുധാനകിലദീപമായീടുന്ന താത
രാഗം:
താളം:
ആട്ടക്കഥ:
കഥാപാത്രങ്ങൾ:
യാതുധാനകിലദീപമായീടുന്ന താത, മേ കേൾക്ക ഗിരം തവ
ചേതസി സന്ദേഹമിന്നു തുടങ്ങുവാൻ ഹേതുവില്ലൊന്നുമഹോ!
ഏതുമൊരു തടവില്ല രണേ പുരുഹൂതനെച്ചെന്നുടനേ അഹം
വീതഭയം ബന്ധിച്ചീടുവൻ കണ്ടാലും കൗതുകമോടു ഭവാൻ;
ആയോധനം തന്നിലിന്ദ്രനെ ബന്ധിപ്പാൻ
ആയാസമില്ലേതുമേ ചില
മായാപ്രയോഗങ്ങൾ ബ്രഹ്മവരവുമുപായങ്ങളുണ്ടനേകം
എന്തുകൊണ്ടെങ്കിലും ബന്ധിച്ചു ശക്രനെ
നിന്തിരുമുൻപിൽ വച്ചു ബഹു
സന്തോഷത്തോടു നമസ്കരിച്ചീടുവൻ, എന്തിനു ശങ്ക വൃഥാ?
അർത്ഥം:
രാക്ഷസകുലത്തിലെ വിളക്കാകുന്ന അച്ഛാ, എന്റെ വാക്കുകൾ കേട്ടാലും. സംശയം വേണ്ടാ. ഇന്ദ്രനെ ഞാൻ തന്നെ ഉടനെ ചെന്ന് ബന്ധിച്ച് കൊണ്ടുവരാം. യുദ്ധത്തിൽ ഇന്ദ്രനെ ബന്ധിക്കാൻ എനിക്ക് വിഷമമില്ല. മായാവിദ്യകളും ബ്രഹ്മാവിന്റെ വരബലവും അതിനായി എനിക്ക് ഉണ്ട്.