ബ്രാഹ്മണോത്തമ, അങ്ങയുടെ കാൽത്തരിണ വന്ദിക്കുന്നു. അങ്ങയെ കണ്ടതിനാൽ എന്റെ മനസ്സിൽ സന്തോഷം വർധിക്കുന്നു. അഹോ! ഞങ്ങൾക്ക് ബ്രാഹ്മണവംശമാണല്ലോ ബ്രഹ്മാവിനാൽ വിധിക്കപ്പെട്ട ദൈവം.അവരുടെ മഹിമാലേശം കൊണ്ട് ഞാനിവിടെ ധർമ്മപരിപാലനം ചെയ്യുന്നു. അങ്ങ് വിചാരിച്ചതെന്താണെന്ന് എന്നോടിപ്പോൾ തുറന്നു പറയണം. എന്തു തന്നെ ആയാലും സാധിക്കുവാൻ തടസ്സമില്ലെന്നു അങ്ങ് അറിഞ്ഞാലും.