പദസാരം:-യാദവവീരാ, ഗാന്ദിനീപുത്രാ, നീ കേൾക്കുക. ശ്രേഷ്ഠാ, ഭവാനുസമനായി മറ്റാരാണ് എനിക്ക് ബന്ധു? അതിനാൽ ഇന്ന് സന്തോഷമുണ്ടായി, ദുഃഖം നീങ്ങുകയും ചെയ്തു. നന്ദഗോപന്റെ ഗൃഹത്തിൽ രാമകൃഷ്ണന്മാർ സന്തോഷത്തോടുകൂടി വസിക്കുന്നു. നീ അവിടെ ചെന്ന് നന്ദപുത്രന്മാരെ കൊണ്ടുവന്നീടണം. അതിനായി എറ്റവും സന്തോഷത്തോടെ ശ്രമിക്കുക. തുടർന്ന് കേൾക്കുക, മൂഢന്മാരായ ഗോപാലന്മാർ ഇവിടെ വരുകയാണെങ്കിൽ തീർച്ചയായും മല്ലന്മാർ അവരെ വധിക്കും. പിന്നെ നമുക്ക് പറയുവാൻ ഒരു ശത്രു ഇല്ല. മംഗളശീലാ, ഹോ! നീ ദയയോടെ ഗോപഗൃഹത്തിലേയ്ക്ക് യാത്രചെയ്താലും.