വചനം മേ കേൾ രജകവീര
രാഗം:
താളം:
ആട്ടക്കഥ:
കഥാപാത്രങ്ങൾ:
തത്രകോപി രജകസ്സമഭ്യയാ
ദ്വസ്ത്രഭാരലസദം സമസ്തക
വൃത്രവൈരിസഹജസമേത്യം തം
ചിത്രമേതദവദത് സഹാഗ്രജ
വചനം മേ കേൾ രജകവീര
സിചയഭാരം കുത്ര ഭവാൻ
അചിരേണ കൊണ്ടു പോകുന്നു
ചിത്രമാകും വസ്ത്രമതി-
ലെത്രയും മോഹം ഞങ്ങൾക്കു
ചിത്തമോദമോടു നല്ല വസ്ത്രമാശു നൽകീടുക
അർത്ഥം:
ശ്ലോകസാരം:-അപ്പോൾ ഒരു അലക്കുകാരൻ തോളിലും തലയിലും വസ്ത്രങ്ങളുടെ ചുമടുമായി അവിടെയെത്തി. കൃഷ്ണൻ ജേഷ്ഠനോടുകൂടി അയാളുടെ സമീപത്തുചെന്ന് ഇങ്ങിനെ ഭംഗിയായി പറഞ്ഞു.
പദസാരം:-രജകവീരാ, നീ എന്റെ വാക്കു് കേൾക്കുക. ഭവാൻ തുണിക്കെട്ട് പെട്ടന്ന് എങ്ങുകൊണ്ടുപോകുന്നു? ഞങ്ങൾക്ക് വിശേഷപ്പെട്ട വസ്ത്രത്തിൽ വളരെ മോഹമുണ്ട്. സന്തോഷത്തോടുകൂടി നല്ല വസ്ത്രങ്ങൾ തന്നീടുക.
അരങ്ങുസവിശേഷതകൾ:
ഇടത്തുഭാഗത്തുകൂടി പ്രവേശിക്കുന്ന രാമകൃഷ്ണന്മാരും വലത്തുഭാഗത്തുകൂടി തുണിക്കെട്ടുമേന്തി പ്രവേശിക്കുന്ന രജകനും മുന്നോട്ടുവരുന്നതോടെ പരസ്പരം കാണുന്നു.
ശ്രീകൃഷ്ണൻ:'നീ ആരാണ്?'
രജകൻ:'ഞാൻ അലക്കുകാരനാണ്'
ശ്രീകൃഷ്ണൻ:'അല്ലയോ രജകവീരാ, ഞാൻ പറയുന്നത് ശ്രവിച്ചാലും'
നാലാമിരട്ടിയെടുത്ത് കലാശിച്ചിട്ട് ശ്രീകൃഷ്ണൻ പദാഭിനയം ആരംഭിക്കുന്നു.