ഞാൻ എന്ന ബോധം കൊണ്ടും എനിക്ക് എന്ന സ്വാർത്ഥബോധം കൊണ്ടും അഹംഭാവം എല്ലാവർക്കും തോന്നും. അത് മായയാണ് തിട്ടപ്പെടുത്താൻ കഴിയാത്തതുമാണ്, മരിച്ചാലും നശിക്കുന്നതുമല്ല. മായ അകറ്റാൻ ഉള്ള മാർഗം യോഗികൾക്കേ ഉപദേശിച്ച് തരാൻ സാദ്ധ്യമാകൂ. പശുപാശം=സംസാരദുഃഖം. സംസാരദുഃഖം അത്യന്തം ബുദ്ധിമുട്ടുള്ളതും നശിക്കാത്തതുമാണ്. ജഗദീശ്വരനെ ചിന്തിയ്ക്കുന്നവർക്ക് ജനനമരണം ഇല്ലാത്ത അവസ്ഥ അനുഭവിയ്ക്കാം.