ദധീചി മഹര്‍ഷി ഇപ്രകാരം പറഞ്ഞ് പോയപ്പോള്‍ , കലഹതല്‍പ്പരനായ നാരദമഹര്‍ഷി ഇതറിഞ്ഞ് കൈലാസപര്‍വ്വതത്തെ പ്രാപിച്ചു. അനന്തരം ശിവന്‍ സന്തുഷ്ടഹൃദയനായിട്ട് ഈ നാരദനോടു പറയുകയും ചെയ്തു.

അല്ലയോ താപസശ്രേഷ്ഠ! എന്‍റെ വാക്കുകള്‍ കേട്ടാലും. മൂന്ന് ലോകങ്ങളിലും എന്താണ്‌ വിശേഷങ്ങള്‍ ? അങ്ങ് അറിയാതെ യാതൊന്നും ഇല്ലല്ലൊ. അങ്ങയുടെ വരവ്‌ പ്രതീക്ഷിച്ചുകൊണ്ടിരിക്കുമ്പോള്‍ സമീപത്തില്‍ വന്നത് എനിക്ക് സന്തോഷമായി.