ആ വിരാടരാജാവ് , ശാന്തനും കമണ്ഡലു, യോഗദണ്ഡ് എന്നിവ ധരിച്ചവനും, കാഷായ വേഷ ധാരിയും, നെറ്റിയില്‍ ഗോപിക്കുറി അണിഞ്ഞവനും, വളരെയധികം ശോഭിക്കുന്നവനും, സഭയില്‍ വന്നവനുമായ അദ്ദേഹത്തോട്, വിസ്മയത്തോടെ, പുഞ്ചിരിതൂകിക്കൊണ്ട്‌, ഇങ്ങിനെ പറഞ്ഞു.

അല്ലയോ സന്യാസിവര്യ, ഭാഗവതോത്തമാ സ്വാഗതം. അങ്ങ് വന്നത് എന്‍റെ ഭാഗ്യമാണ്. ആഗ്രഹഹീനന്മാരായ അങ്ങയെപ്പോലുള്ളവരുടെ സംഗമംകൊണ്ടാണ് ലോകത്തില്‍ മംഗളം വരുന്നത്. അങ്ങയുടെ പാദരേണുക്കള്‍ കൊണ്ട് ഇന്ന് ഏത് ദിക്കിനെയാണ് ശുദ്ധീകരിക്കാന്‍ ഉദ്ദേശിക്കുന്നത്? അല്ലയോ ശാന്തിസമുദ്രമേ, എന്ത് ആഗ്രഹം കൊണ്ടാണ് അങ്ങ് എന്റെ അടുത്തു വന്നത് എന്ന് പറഞ്ഞാലും?