ശ്ലോകം:-അപ്പോൾ പർവ്വതാകാരനും  മേഘങ്ങളെപ്പോലെ ഗർജ്ജിക്കുന്നവനും യുദ്ധനിപുണനും സൂര്യനാൽ അയക്കപ്പെട്ടവനും മദാന്ധനും ആയ ഒരു രാക്ഷസൻ വന്ന് മാലിനിയെ തടഞ്ഞ കീചകനെ കോപത്തോടെ തടുത്തു.
പദം:-എടാ ദുഷ്ടനായ കീചകാ, ഉചിതമല്ലാത്ത പ്രവൃത്തികൾ കണ്ടാൽ സൂര്യദേവനാൽ അയക്കപ്പെട്ട ഈ രാക്ഷസൻ അടങ്ങുമെന്ന് കരുതുന്നുണ്ടോ? ഈ തരുണിയെ വെറുതെ വിടുന്നതിന് അല്പം പോലും മടി വേണ്ട. എന്നാൽ അഹങ്കരംകൊണ്ട് നീ അതു ചെയ്തില്ലെങ്കിൽ കഠിനമായ മുഷ്ടികൊണ്ടുള്ള അടിയേറ്റ് ജീവൻ നഷ്ടപ്പെട്ടവനായിത്തീരും .