പിടിച്ചു കെട്ടിയശേഷം വിജയഭാവത്തോടേ ത്രിഗർത്തന്റെ മുഖത്തേയ്ക്ക് നോക്കി നിൽക്കുമ്പോൾ ശ്ലോകത്തിൽ "യുധിഷ്ടിരോക്ത്യാ" എന്നതിനൊപ്പം ആലോചിച്ചുറച്ച് "മുക്തോ" എന്നതിനൊപ്പം ത്രിഗർത്തന്റെ കെട്ടഴിച്ച് "പോ" എന്ന് ആജ്ഞാപിക്കുന്നു. രക്ഷപ്പെട്ടതിലുള്ള ആശ്വാസത്തോടെ ത്രിഗരത്തൻ പെട്ടെന്ന് പിന്തിരിഞ്ഞോടുന്നു. അതിനുശേഷം വലലൻ "ഇനി അടുക്കളയിലേക്ക് പോവുകതന്നെ" എന്ന് ആത്മഗതം ചെയ്ത് കയ്യിൽ ചട്ടുകവുമായി നാലാമിരട്ടി എടുത്ത് കലാശിച്ച് കുത്തിമാറി രംഗം വിടുന്നു.
പിൻതിരിഞ്ഞോടുന്ന ത്രിഗർത്തൻ വീണ്ടും വന്ന് വലലനെ ആട്ടുന്ന ഒരു ചെറിയ ആട്ടം ഇപ്പോൾ പതിവുണ്ട്.