മംഗളകരമായ ഐശ്വര്യം കിട്ടിയ ആ ദരിദ്ര ബ്രാഹ്മണസ്ത്രീയ്ക്ക് ശ്രീകൃഷ്ണഭഗവാന്റെ പ്രഭാവം കൊണ്ട് എല്ലാ സമ്പത്തുകളും കൈവന്നത് സന്തോഷത്തോടു കൂടി കണ്ടിട്ട് കുചേലഭാര്യയോട് എല്ലാവരും ചേർന്ന് അത്ഭുതപ്പെട്ട് ഇങ്ങനെ ഉള്ള വാക്കുകളെ പരസ്പരംതാവദ്ഭൂഷ പറഞ്ഞു.

 

പദം:- സുന്ദരികളേ, ഇതെന്തത്ഭുതം! സന്ധ്യയ്ക്ക് കഞ്ഞിക്ക് പോലും വക ഇല്ലാത്തെ വിഷമിച്ചു കഴിഞ്ഞ ഈ അന്തർജ്ജനത്തിനു എന്തെല്ലാം സൗഭാഗ്യങ്ങൾ ആണ് കിട്ടിയിരിക്കുന്നത്! കഴിഞ്ഞ ദിവസം വരെ വെറും മുരിങ്ങ ഇലയും മറ്റും കഴിച്ചു കഴിഞ്ഞു കൂടിയിരുന്ന ഇവളിൽ ലക്ഷ്മീകാന്തനായ കൃഷ്ണൻ കാട്ടിയ കാരുണ്യം കണ്ടില്ലേ? എവിടെ നിന്നൊ ഇരന്നുകിട്ടിയ തല്ലിപ്പൊളി അവിലിം തുണിയിൽ പൊതിഞ്ഞു കെട്ടി കണ്ണനു കൊടുക്കാനായി ഇവൾ അവളുടെ ഭർത്താവിനെ ഏൽപ്പിച്ചത് നേരിട്ടു കണ്ടവളാണ് ഞാൻ. കോട്ടകൊത്തളങ്ങൾ, ആന ക്കൊട്ടിലുകൾ, മന്ദിരസമുച്ചയങ്ങൾ തുടങ്ങി ദ്വാരകയോടു കിടനിൽക്കുന്ന ശ്രേഷ്ഠമായ ഒരു വീടാണ് ഈ ബ്രാഹ്മണിക്കുട്ടിക്ക് കിട്ടിയിട്ടുള്ളത്. എന്തായാലും ഇവൾക്ക് കിട്ടിയ ഈ ഭാഗ്യത്തിന്റെ ഒരു വീതം അല്പമെങ്കിലും നമുക്കും കിട്ടാതിരിക്കില്ല. അല്ല ഇതാ കുചേലബ്രാഹ്മണൻ ഒറ്റയ്ക്ക് നടന്നു വരുന്നല്ലൊ. നേരത്തെ ഉള്ളതിലും എത്രയോ കൂടുതൽ തേജസ്സാണല്ലൊ മുഖത്തുള്ളത്. നമുക്കിതൊക്കെയൊന്നു നോക്കി കാണുക തന്നെ.