ദേവർഷിപുംഗവ! കേൾക്ക മേ ഗിരം
ദേവദനുജനതപദയുഗളം
ഭാവുകം പാണ്ഡുനന്ദനന്മാർക്കിന്നു
കേവലം വരുമില്ലൊരു സംശയം
ദേവദോഷമഖവും സുകരം
വിക്രമേണ ജയിച്ചു ധീരൻ രാജചക്രമഖിലവുമിന്നവൻ
ശക്രസൂനുസഹായവാൻ സുരചക്രതോഷണമഖവും ചെയ്യും
വിക്രമസഹിതാരാതിചക്രസൂദനാര്യനും
ചക്രപാണിയാം ഞാനും ശക്രപ്രസ്ഥേ വന്നീടാം.
 
(ശ്രീകൃഷ്ണൻ നാരദമുനിയെ ആദരവോടെ യാത്രയാക്കുന്നു. തിരിഞ്ഞു ദൂതനോട്-)
 
രാജദൂത നീ കേൾക്കണം ഗിരം
രാജവരരോടു ചൊല്ലണം
രാജസഞ്ചയവൈരിണം കൊന്നു
രാജകുലപരിപാലനം ചെയ് വൻ.
 
 (ശ്രീകൃഷ്ണൻ ദൂതനെ യാത്രയാക്കുന്നു. ദൂതൻ രാമകൃഷ്ണന്മാരെ വന്ദിച്ച് മാറുന്നു. ശേഷം ബലഭദ്രനോട്-)
 
രാജവംശസഞ്ജാത രാജീവലോലനയന
രാജേന്ദ്രധർമനന്ദന രാജസൂയത്തിനു മുമ്പേ
പോക രാജസമാജസവിധേ
വേഗമോടു സൽഗുണനിധേ.