ദേവതാപസ മഹാത്മൻ
രാഗം:
താളം:
ആട്ടക്കഥ:
കഥാപാത്രങ്ങൾ:
ദേവതാപസ! മഹാത്മൻ! താവകപാദാബ്ജയുഗ്മം
കേവലം ഞാൻ ഗുണാംബുധേ, സാവധാനം വണങ്ങുന്നേൻ
നിന്തിരുവടിയെയിപ്പോളന്തികേ കാൺകയാലെന്റെ
അന്തരംഗേ മഹാമോദം അന്തമില്ലാതുദിക്കുന്നു
എന്നോട് തുല്യതകോലും ഉന്നതവിക്രമന്മാരായ്
മന്നിലെന്നല്ലിത്രിലോകം തന്നിലുമിന്നേവനുള്ളൂ?
വീരനാമെൻസൂനുനാ ഞാൻ സാരസാക്ഷി സുന്ദരിയെ
സ്വൈരമായ് വേളിചെയ്യിപ്പാൻ ദ്വാരകയ്ക്കു പോയീടുന്നു
എങ്ങുനിന്നിങ്ങെഴുന്നള്ളി മംഗലമോടിതുകാലം
ഇങ്ങു വന്നകാരണവും ഭംഗിയോടിന്നരുൾ ചെയ്ക