ജംഭാരേർമ്മൊഴി:

ദേവേന്ദ്രന്റെ വാക്കുകൾ കേട്ട്‌ സ്വർഗ്ഗത്തിൽ നിന്നും പോന്ന അർജ്ജുനൻ ലോകത്തെല്ലാം തിരഞ്ഞ്‌ ബ്രാഹ്മണകുമാരനെ കിട്ടായ്കയാൽ തീർച്ചയായും ഇത്‌ ശ്രീകൃഷ്ണന്റെ പരീക്ഷതന്നെ എന്ന് നിശ്ചയിച്ച്‌ കൂസൽ കൂടാതെ തീക്കുണ്ഡത്തിൽ ചാടുവാനായി മുതിർന്നു.

പദം:-ഇത് വിധി ചെയ്യുന്ന ലീലയാണ്. അത്ഭുതം! അത്ഭുതം! കാലൻ അറിയാതെയായി ബാലമരണം പോലും. ഈ കാലം വിജയനായ എന്റെ ദോഷകാലമാണ്. ഇനി ഞാൻ ചെയ്‌വതെന്ത്? തീയിൽ ചാടി ഞാൻ ധന്യനാകുന്നുണ്ട്. നന്ദപുത്രാ, എന്നെ രക്ഷിച്ചാലും.