എന്തു വാഞ്ഛിതം ഞങ്ങൾക്കെന്നുള്ളതും
ചൊല്ലുവാൻ കിഞ്ചന വൈഷമ്യം
എന്തെങ്കിലും തരാം എന്നു സത്യം ചെയ്കിൽ
ചൊല്ലാം പരമാർത്ഥം രാജേന്ദ്ര! വീര ഹേ

ഭൂമിദേവന്മാർ യാചിച്ചതൊക്കെയും
ഭൂമിപാ! നീ കൊടുത്തീടും പോൽ
കാമിതം ഞങ്ങൾക്കു സാധിക്കുമെന്നുള്ള
തള്ളലുദിക്കുന്നു രാജേന്ദ്ര! വീര ഹേ

മാഗധേശ്വര! കേൾക്കെടൊ ഞങ്ങടെ-
ഭാഷിതമെല്ലാമേ സാമ്പ്രതം
ഭാഗധേയം തവ പാർക്കിലഹോ പാരം
ഭാതി ജഗത്രയേ രാജേന്ദ്ര! വീര ഹേ

ശ്ലോകം
അത്രാന്തരേ യദുപതിർന്നിജമന്ത്രിമുഖ്യൈ-
ർമദ്ധ്യേ സഭാം ബലനുമായ് മരുവും ദശായാം
കശ്ചിദ്വിജോ മഗധപീഡിത രാജവൃന്ദ-
സന്ദേശവാചകമുവാച മുകുന്ദമേവം.

ശ്ലോകം
ഹാ കൃഷ്ണ! ത്വച്ചരണയുഗളാന്നൈവ ലോകേ വിലോകേ
സന്തപ്താനാം ശരണമപരം സങ്കടേഷ്വീദൃശേഷു.
ഇത്ഥം ചിന്താശബളിതമതിസ്താവദഭ്യേത്യ സഭ്യൈർ-
ദ്ധർമ്മ്യാംവാചം സ ഖലു ജഗദേ ഭൂസുരൈർഭാസുരാംഗൈഃ

വിക്രമി ഭീമനിവൻ, ശക്രനന്ദനനിവൻ
ചക്രപാണി കൃഷ്ണനെന്നെന്നെയും ബോധിക്ക നീ
വിക്രമിയെങ്കിൽ ബാഹു വിക്രമംകാട്ടുക രിപു-
ചക്രങ്ങളെയഖിലം കൊന്നുടനിഹ
ശീഘ്രം സുഖമഖിലർക്കും നൽകുവൻ.
 

ഭൂദേവന്മാരെപ്പോലെസാദരമന്നാകാംക്ഷ
നീതിജലധേ ഞങ്ങൾക്കില്ല
വീതശങ്കം സപദി ദ്വന്ദ്വയുദ്ധം തരിക
അതു സമ്പ്രതി കുതുകം പൂണ്ടിഹ വയ-
മധുനാ തവ സവിധം പ്രാപിച്ചിതു.

വീര ഭൂപതിവര! ധീര കേൾക്ക വചനം
വീര ഭൂപതിവര! ധീര!
ഭൂരിബലവാനായിന്നാരുമില്ല നിന്നെപോൽ
അരിസംഘമിതഖിലം പരിചൊടിഹ
ചരണേ തവ ചരണം പ്രാപിച്ചിതു.