വാസ്തവത്തിൽ ഈ രംഗം പ്രക്ഷിപ്തമാണ്. ആട്ടക്കഥാകാരൻ ഒറ്റശ്ലോകം കൊണ്ട് കഴിച്ചത് പിന്നീട് വന്നവർ വിപുലീകരിച്ച് ഗീതാശ്ലോകവും കൂടെ ഉൾപ്പെടുത്തി ഉണ്ടാക്കിയതാണ് ഈ രംഗം. ഇതിലെ പദങ്ങളും പ്രക്ഷിപ്തങ്ങൾ ആണ്.
എന്നാൽ ഇത് ഉൾപ്പെടുത്തി ദുര്യോധനവധം ആടാറുണ്ട്. ഇതില്ലെങ്കിൽ നേരിട്ട് രൗദ്രഭീമനിലേക്ക് സങ്ക്രമിക്കും. 

ഹനൂമാൻ കുരുക്ഷേത്ര രണഭൂമിയിൽ വന്ന് അർജ്ജുനന്റെ കൊടിയിൽ കയറി ഇരുന്ന് ഭീകരഗർജ്ജനം കൊണ്ട് ശത്രുക്കളെ ഭയപ്പെടുത്തുന്നു. ഈ രംഗവും പതിവില്ല.

അർജ്ജുനൻ സ്മരിക്കുന്നത് അറിഞ്ഞ് കദളീവനത്തിൽ തപസ്സുചെയ്യുന്ന ഹനൂമാന്റെ തപസ്സ് ഇളകുന്നു. കാരണം ആലോചിയ്ക്കുന്നു. ഈ രംഗം ഒന്നും പതിവില്ല. നേരിട്ട് യുദ്ധരംഗത്തേയ്ക്ക് സങ്ക്രമിക്കുകയാണ് പതിവ്.