ദൂതുമായി വന്ന കൃഷ്ണൻ, ധൃതരാഷ്ട്രരെ കണ്ട് കാര്യങ്ങൾ ധരിപ്പിക്കുന്നു. ദുര്യോധനൻ, സഭാവാസികളോട്, ശ്രീകൃഷ്ണൻ വന്നാൽ കൃഷ്ണനെ മാനിക്കരുത് എന്ന് ചട്ടം കെട്ടുന്നു.

ദൂത് പോകാൻ പുറപ്പെടുന്ന കൃഷ്ണസമീപം ദ്രൗപദി വന്ന്, ഈ അഴിച്ചിട്ട തലമുടി കണ്ട് വേണം ദൂതിനു പോകാൻ എന്ന് ഓർമ്മിപ്പിക്കുന്നു. പാർഷതി മമ.. എന്ന കൃഷ്ണന്റെ മറുപടി പദം പ്രക്ഷിപ്തമാണ്. ദ്രൗപദിയുടെ പദത്തിനു (പരിപാഹിമാം.. ) പാഠഭേദവുമുണ്ട്.

വനവാസവും അജ്ഞാതവാസവും അവസാനിച്ച ശേഷം ശ്രീകൃഷ്ണനോട് ദൂത് പോകാനായി ധർമ്മപുത്രർ ആവശ്യപ്പെടുന്നു. ഈ രംഗവും സാധാരണ  ഇപ്പോൾ പതിവില്ല.